महाराष्ट्र २४ । विशेष प्रतिनिधी । दि. ६ ऑक्टोबर | आता हळूहळू हवामान बदलू लागले आहे. सकाळी आणि संध्याकाळी किंचित थंडी पडत आहे. हवामानातील या बदलामुळे अनेक जीवाणू आणि विषाणू सक्रिय झाले आहेत. त्यामुळे लोकांना सर्दी, खोकला अशा समस्यांना सामोरे जावे लागत आहे. खोकला आणि सर्दीचा हा संसर्ग एका व्यक्तीकडून दुसऱ्या व्यक्तीमध्ये वेगाने पसरतो. काहींना सर्दी-खोकल्याबरोबरच सौम्य ताप येतो. अशी लक्षणे विषाणूजन्य तापाची असल्याचे डॉक्टरांचे म्हणणे आहे. जर एखाद्या व्यक्तीमध्ये ही सर्व लक्षणे दिसत असतील, तर ते हलक्यात घेऊ नका.
डॉक्टरांच्या मते, विषाणूजन्य तापामुळे शरीराचे तापमान वाढू लागते. या काळात काही लोकांना शरीरात वेदनाही होतात आणि हलकीशी थंडीही जाणवू शकते. त्यामुळे नाक वाहते आणि खोकला होतो. बहुतेक प्रकरणांमध्ये, खोकला सौम्य राहतो, परंतु तीव्र डोकेदुखी आणि नाक वाहते. ही सर्व लक्षणे विषाणूजन्य तापाची लक्षणे आहेत.
याबाबत ज्येष्ठ चिकित्सक सांगतात की जेव्हा पावसाळा संपतो आणि हवामान उन्हाळ्यापासून हिवाळ्यात बदलू लागते, तेव्हा व्हायरल फिव्हरची प्रकरणे समोर येतात. हा एक प्रकारचा सामान्य ताप आहे, जो वेगाने पसरतो. जेव्हा एखादा रुग्ण खोकतो किंवा शिंकतो, तेव्हा हा विषाणू हवेत पसरतो आणि इतर लोकांनाही त्याचा संसर्ग होतो.
जे लोक स्वच्छतेची काळजी घेत नाहीत आणि अन्न खाताना हात धुत नाहीत, त्यांना विषाणू पसरण्याचा धोका जास्त असतो. विषाणूजन्य ताप ही अशी समस्या आहे की घरातील एका व्यक्तीला तो झाला, तर इतर लोकांनाही संसर्ग होऊ शकतो. हा धोका विशेषतः वृद्ध, कमकुवत प्रतिकारशक्ती असलेले लोक आणि लहान मुलांमध्ये जास्त असतो.
व्हायरल फिव्हरची लक्षणे दिसल्यास डॉक्टरांचा सल्ला घ्या. उपचारादरम्यान विश्रांती घ्या आणि भरपूर पाणी, नारळ पाणी आणि फळे घा. जर ताप वाढत असेल, तर डॉक्टरांच्या सल्ल्यानुसार डोलो किंवा पॅरासिटामॉल घ्या.
या काळात पेन किलर घेणे टाळावे. खोकताना आणि शिंकताना तोंड आणि नाक झाकण्याची काळजी घ्या. ताप वाढत असल्यास, अंगावर लाल पुरळ उठत असल्यास किंवा श्वास घेण्यास त्रास होत असल्यास त्वरित रुग्णालयात जावे.