महाराष्ट्र २४ । विशेष प्रतिनिधी । दि. ६ मार्च ।श्रीमंत होण्याची इच्छा कोणाला नसेल? चैनीचे जीवन कोणाला जगायचे नाही, पण प्रत्येकाचे नशीब त्यांना श्रीमंत बनवण्याइतके चांगले नसते. तुम्ही पाहिले असेलच की अनेक लोक रात्रंदिवस मेहनत करून पैसे कमवण्याचा प्रयत्न करतात, पण तरीही त्यांना आरामात आयुष्य जगण्यासाठी पुरेसे पैसे मिळत नाहीत. त्याचबरोबर काही लोकांचे नशीब इतके चांगले असते की ते एकाच फटक्यात करोडोंचे मालक बनतात. अशाच एका व्यक्तीची कहाणी सध्या चर्चेत आहे, जो एका क्षणात इतका श्रीमंत झाला, ज्याचा त्याने विचारही केला नसेल.
खरे तर प्रकरण असे आहे की या व्यक्तीने करोडोंची लॉटरी जिंकली आणि तीही केवळ चार हजार रुपये खर्चून. डेव्हिसन अल्वेस मार्टिन्स असे या व्यक्तीचे नाव असून, तो अमेरिकेतील मॅसॅच्युसेट्सचा रहिवासी आहे. डेव्हिसन हा व्यवसायाने सुतार आहे. त्याने अचानक एवढी संपत्ती मिळवली आहे की कदाचित त्याला आता कोणतेही काम करण्याची गरज नाही, कारण तेवढ्या पैशाने तो आपले जीवन सहजतेने जगू शकतो.
डेली मेलच्या रिपोर्टनुसार, डेव्हिसनने करोडोंचा मालक होण्याचे स्वप्न पाहिले नसेल, परंतु लॉटरी जिंकण्याचे स्वप्न त्याने नक्कीच पाहिले आहे. यावर्षी जानेवारी महिन्यात त्यांनी लॉटरीचे तिकीट काढून त्यावर स्क्रॅच केले होते. त्याच्या नशिबाने त्याला साथ दिली आणि त्याने सुमारे 50 हजार रुपये जिंकले. हा त्याच्यासाठी खूप आनंदाचा प्रसंग होता, पण त्याचवेळी त्याच्या मनात सुद्धा होती की आपण आणखी मोठी लॉटरी जिंकू शकतो. त्यामुळे त्याने सुमारे चार हजार रुपये खर्च करून दुसरे लॉटरीचे तिकीट घेतले आणि यावेळी जे घडले त्यावर डेव्हिसनचा विश्वास बसेना.
रिपोर्ट्सनुसार, डेव्हसनने 1 मिलियन डॉलर्स म्हणजेच सुमारे 8.24 कोटी रुपयांची लॉटरी जिंकली होती आणि एका झटक्यात तो कोटींचा मालक बनला होता. लॉटरी वेबसाइटनुसार, डेव्हिसन हा बंपर लॉटरी जॅकपॉट जिंकलेल्या अंदाजे 20 लाख लोकांपैकी एक आहे. त्याचवेळी डेव्हिसनसोबतच त्याला तिकीट विकणाऱ्या स्टोअरच्या मालकालाही फायदा झाला आहे. त्या दुकानदाराला सुमारे आठ लाख रुपये बोनस म्हणून मिळाले आहेत.