महाराष्ट्र २४ । विशेष प्रतिनिधी । दि. १६ ऑगस्ट । शिवसंग्रामचे नेते विनायक मेटेंचा अपघाती निधनानंतर अनेक प्रश्न चर्चिले जात आहेत. बीडहून मुंबईत सह्याद्री अतिथीगृहाच्या दिशेने येत होते. भातण बोगद्यापूर्वी त्यांच्या मोटारीची समोरच्या अवजड वाहनास जोरदार धडक बसली. या अपघातात गाडीच्या पुढील भागाचा चक्काचूर झाला. मेटे यांचा अपघात कसा झाला याबाबत अद्याप संभ्रम आहे. ड्रायव्हरचा गाडीवरील ताबा सुटला की गाडी चालवताना डुलकी लागली, असे प्रश्न उपस्थित होत आहेत. या घटनेनंतर रोड हिप्नोसिस म्हणजेच रोड संमोहनाची चर्चा सुरु झाली आहे. रोड हिप्नोसिस म्हणजे काय आणि ड्रायव्हरला त्याचा त्रास कसा होता? याचा घेतलेला आढावा
भीषण अपघातांमागे रोड संमोहन हा प्रकार असण्याची शक्यता नाकारता येत नाही. मानसिक आणि शारिरीक थकव्यामुळं ड्रायव्हरला वाहतूकीचा वेग नियंत्रणात आणणे किंवा गाडी चालवताना डुलकी लागणे असे प्रकार घडतात. त्यामुळं अशा प्रकारचे अपघात होतात. खासकरुन रात्रीच्या वेळी हायवेवर असे प्रकार घडतात. त्यामुळं लांब पल्ल्याचा प्रवास करणाऱ्यासांठी व गाडी चालवणाऱ्या चालकांनी रोड संमोहन हा काय प्रकार आहे याची माहिती घेणे गरजेचं आहे.
रोड संमोहन म्हणजे काय?
रोड संमोहन ही एक शारीरिक स्थिती आहे जी बहुतेक चालकांना लक्षात येत नाही किंवा त्यांना माहिती नसते. रोड हिप्नोसिस रस्त्यावर गाडी घेऊन उतरल्यानंतर अडीच तासांनी सुरू होते. या अवस्थेत संमोहित चालकाचे डोळे उघडे असतात, परंतु मेंदू जे काही पाहतो ते रेकॉर्ड आणि विश्लेषण करत नाही.
रोड संमोहन हे तुमच्या समोर उभ्या असलेल्या वाहनाला किंवा ट्रकला मागील बाजूस अपघात होण्याचे पहिले कारण आहे. रोड हिप्नोसिस असलेल्या ड्रायव्हरला टक्कर होईपर्यंत शेवटच्या १५ मिनिटांत काहीही आठवत नाही. तो किती किमी वेगाने जात आहे, किंवा त्याच्या समोरच्या कारचा वेग, सहसा टक्कर १४० किमीच्यावर असते याचे विश्लेषण करू शकत नाही.
रोड संमोहनामुळं काय होते?
लांब रस्त्यावर रोड संमोहनपूर्वी काही काळ चलचित्र बघितल्यासारखे वाटून चालक नुसते बघत रहातो. रोड संमोहन रात्रीच्या वेळी अधिक वेळा घडते आणि प्रवासी देखील झोपलेले असल्यास, परिस्थिती अधिक गंभीर होते. डोळे उघडे असले तरी मन आणि मेंदू बंद असेल तर अपघात अटळ आहे.
चालकांनी काय करावे?
रोड हिप्नोसिसपासून स्वतःचे संरक्षण करण्यासाठी, दर २.५ तासांनी थांबणे, चालणे, चहा किंवा कॉफी पिणे आवश्यक आहे.
वाहन चालवताना काही ठिकाणे आणि वाहने लक्षात ठेवणे आवश्यक आहे.
गाडी चालवताना चालकाने काही वेळ थांबावे, विश्रांती घ्यावी, दर २.५ तासांनी ५-६ मिनिटे चालावे आणि आपले मन मोकळे ठेवावे.
गाडी चालवता चावलता ब्लँक होणे थांबवा. क्षणभर गाडी बाजूला घेऊन दीर्घ श्वास घ्या आणि फ्रेश होऊन इकडे तिकडे बघत परत उत्साहात सुरू करा.