महाराष्ट्र २४ । विशेष प्रतिनिधी । दि. १ ऑगस्ट । सर्वसामान्य करदात्यांसाठी आता आयकर रिटर्न दाखल करण्याची अंतिम मुदत आहे. गेल्या वर्षीच्या तुमच्या उत्पन्नाची माहिती आयकर विभागाला देण्यात करदात्यांना ३१ जुलै २०२३ पर्यंत मुदत देण्यात आली होती. अशा स्थितीत तुम्ही विहित मुदतीत प्राप्तिकर विवरणपत्र भरणे अपेक्षित होते. जर तुम्ही निर्धारित वेळेत प्राप्तिकर रिटर्न भरले नाही तर गोंधळून जाऊ नका पण लक्षात ठेवा की आयकर रिटर्न दाखल करणे प्रत्येक जागरूक आणि जबाबदार नागरिकाचे कर्तव्य आहे. त्यामुळे इन्कम टॅक्स रिटर्न दाखल करण्याच्या बाबतीत कोणतीही हयगय करू नका.
ITR दाखल करण्याची अंतिम मुदत चुकली, आता काय?
जर तुम्ही कोणत्या कारणामुळे ITR फाइल करण्याची अंतिम मुदत चुकला तर तुमच्याकडे विलंबित ITR फाइलिंगचा पर्याय आहे. आर्थिक वर्ष २०२२-२३ साठी विलंबित आयटीआर दाखल करण्याची अंतिम तारीख ३१ डिसेंबर २०२३ आहे, जर सरकारने आणखी मुदतवाढ दिली नाही. ITR देय तारखेनंतर (३१ जुलै) आणि ३१ डिसेंबर २०२३ रोजी किंवा त्यापूर्वी दाखल केला असेल तर विलंब शुल्क आकारले जाईल. म्हणजे आता उशीर रिटर्न दाखल करण्यासाठी तुम्हाला भुर्दंड बसेल.
विलंबित ITR दाखल करण्यासाठी दंड
आता करदात्यांसमोर दंडासह आयकर रिटर्न दाखल करण्यासाठी ३१ डिसेंबर २०२३ पर्यंत मुदत आहे. मात्र, त्यासाठी शेवटच्या दिवसापर्यंत थांबू नका आणि लवकरात लवकर रिटर्न भरणे चांगले आहे, नाहीतर तुमचा खिसा अधिक रिकामा होईल.
विलंबित आयटीआर फाइल करण्यासाठी आता तुम्हाला किमान एक हजार ते जास्तीत जास्त पाच हजार रुपये विलंब शुल्क भरावा लागेल. प्राप्तिकर कायदा, १९६१ च्या कलम २३४F नुसार विलंबित आयटीआर दाखल करण्यासाठी एकूण उत्पन्न पाच लाखांपेक्षा जास्त असल्यास पाच हजार रुपये आणि उत्पन्न पाच लाखांपेक्षा कमी असल्यास विलंबित आयटीआर दाखल करण्यासाठी एक हजार रुपये दंड भरावा लागेल.
व्याजही भरावा लागणार
करदात्यांनो, आता लक्षात घ्या की विलंब शुल्काव्यतिरिक्त तुमचे कर देय असल्यास पेमेंट होईपर्यंत देय रकमेवर अतिरिक्त व्याज आकारले जाईल. प्राप्तिकर कायदा, १९६१ च्या कलम २३४ए नुसार करदात्याने देय तारखेच्या लगेच नंतर म्हणजेच ३१ जुलैच्या तारखेपासून सुरू होणाऱ्या प्रत्येक महिना किंवा महिन्याच्या काही भागासाठी १% दराने व्याज भरावा लागेल.
प्राप्तिकर भरताना या चुका टाळा
दुसरीकडे, दंड आणि व्याजाच्या नुकसानाव्यतिरिक्त विलंबित रिटर्न फाइलिंगशी संबंधित अतिरिक्त मर्यादा आहेत. करदात्यांना विहित तारखांच्या आत कर विवरणपत्र न भरल्यामुळे काही कपातीचा लाभ घेण्यास किंवा घराच्या मालमत्तेच्या नुकसानीशिवाय इतर नुकसान भरून काढण्याची परवानगी दिली जाणार नाही.