महाराष्ट्र २४ । विशेष प्रतिनिधी ।। दि. २ मार्च ।। पुणे-लोणावळा-पुणे मार्गावर तांत्रिक कामासाठी उद्या, रविवारी (३ मार्च) मेगाब्लॉक घेण्यात येणार आहे. त्यामुळे या दिवशी पुण्याहून लोणावळ्याला आणि लोणावळ्याहून पुण्याला येणाऱ्या लोकलच्या फेऱ्या रद्द करण्यात आल्या आहेत.
पुण्याहून लोणावळ्यासाठी सकाळी ९.५७, ११.१७ दुपारी ३ आणि ४.२५ वाजता सुटणारी लोकल रद्द करण्यात आली आहे. शिवाजीनगरहून लोणावळ्यासाठी सुटणारी दुपारी १२.०५, ३.४७, सायंकाळी ५.२० ची लोकल रद्द करण्यात आली आहे. तसेच, लोणावळ्याहून शिवाजीनगरला सकाळी १०.०५, ११.३०, सायंकाळी ५.३०, ६.०८ वाजता सुटणाऱ्या लोकल रद्द केल्या आहेत. तळेगाव येथून पुण्यासाठी दुपारी ४.४० वाजता सुटणारी लोकल आणि लोणावळ्याहून पुण्यासाठी दुपारी २.५० आणि संध्याकाळी सातची लोकल रद्द करण्यात आली आहे.