✍️ महाराष्ट्र २४ | विशेष प्रतिनिधी | दि. २३ ऑक्टोबर २०२५ | अमेरिकेतील जॉब मार्केटमध्ये अमेझॉन या टेक जायंट कंपनीनं गेल्या दशकभरात जेवढं योगदान दिलं आहे त्याच्या जवळपासही कोणी नाही. मात्र आता लाखो हातांना काम देणाऱ्या या अमेझॉन कंपनीच्या इंटरव्ह्यूज आणि इंटरनल स्ट्रॅटेजी डॉक्युमेंटमधून एक धक्कादायक माहिती समोर आली आहे. ही माहिती द न्यू यॉर्क टाईम्सच्या हाती लागली असून त्यानुसार अमेझॉन कंपनीचे एक्झिक्युटिव्ह यांना असा विश्वास आहे की पुढच्या मोठ्या वर्कप्लेस शिफ्टमध्ये जवळपास ५ लाखापेक्षा जास्त जॉब्स हे रोबोट्स रिप्लेस करतील.
अमेझॉनची अमेरिकेतील वर्कफोर्स ही २०१८ पासून तिप्पट झाली आहे. त्यांच्याकडे सध्या अमेरिकेत जवळपास १२ लाख लोकं काम करतात. मात्र एक्झिक्युटिव्हकडून कंपनीलच्या बोर्ड ऑफ डायरेक्टर्सना गेल्या वर्षी सांगितलं की अमेरिकेत पुढच्या काही वर्षात अजून वर्कफोर्स समाविष्ट करणं टाळण्यासाठी त्यांना रोबोटिक्स ऑटोमेश उपयुक्त होऊ शकतं. एवढंच नाही तर ते २०३३ पर्यंत आतापेक्षा जवळपास दुप्पत प्रॉडक्ट्सची विक्री करू शकतात.
रोबोट्स करणार मानवी जॉब्स रिप्लेस
न्यूयॉर्क टाईम्सच्या हाती लागलेल्या अमेझॉनच्या अंतर्गत डॉक्युमेंटनुसार मानवी कर्मचारी कमी करून रोबोट्सद्वारे काम करून घेण्याचं प्लॅनिंग सुरू आहे. या कागदपत्रांनुसार २०३३ पर्यंत जवळपास ६ लाख मानवी कर्मचारी हे रोबोट्सद्वारे रिप्लेस केले जातील. दरम्यान अमेझॉनच्या या लीक डॉक्युमेंटमध्ये मास लेऑफबाबत कोणतीही अधिकृत माहिती मिळत नाही. या कागदपत्रांनुसार अमेझॉन हे नवीन लोकांना नोकरीवर घेण्याचं टाळण्यासाठी ही रणनिती आखण्याची शक्यता आहे. यामुळं कालांतरानं अमेझॉनची मानवी वर्कफोर्स ही कमी होत जाईल.
जनमत वळवण्यासाठीही रणनिती
टाईम्सच्या हाती लागलेल्या या कागदपत्रांनुसार कंपनी या नव्या बदलाबाबत जनमानसांमधील धारणेची तीव्रता देखील कमी करण्याचा प्रयत्न करणार आहे. कंपनी आपण कसं गूड कॉर्पोरेट सिटीझन आहोत हे दाखवण्याचा प्रयत्न करत आहे. यासाठी ते स्थानिक कम्युनिटीसोबत संपर्क वाढवत आहे.
याचबरोबर सर्व एक्झिक्युटिव्हजना ऑटोमेशन आणि एआय या शब्दांचा वापर करणं टाळा असा देखील सल्ला देण्यात आला आहे. त्याच्या ऐवजी उद्यावत तंत्रज्ञान (advanced technology) किंवा कोबोट्स (collaborative robots) अशा संज्ञा वापरण्याचा सल्ला कंपनीकडून देण्यात आला आहे.
कंपनीचं स्पष्टीकरण
दरम्यान, न्यू यॉर्क टाईम्सच्या या वृत्तानंतर अमेझॉनचे प्रवक्ते केली नांतेल यांनी जी कागदपत्र लीक झाली आहेत. ती कागदपत्र अपूर्ण आहेत. आणि लोकांना हायर करण्याबाबतच्या मोठ्या स्ट्रॅटेजीबाबत त्यामध्ये काही नाही. टाईम्सला दिलेल्या मुलाखतीत अमेझॉन हे येणाऱ्या हॉलिडे हंगामात जवळपास अडीच लाख लोकांना जॉब देण्याचा प्लॅन करत आहे. मात्र कंपनीकडून नव्या नोकऱ्यांमधील किती नोकऱ्या या कायमस्वरूपी असतील याबाबत कोणतीही माहिती देण्यात आलेली नाही. कंपनीकडून आपल्या अधिकाऱ्यांना विशिष्ट संज्ञाच वापरा असा कोणताही सल्ला दिला गेला नसल्याचं सांगण्यात आलं आहे.