✍️ महाराष्ट्र २४ | विशेष प्रतिनिधी | दि. २४ ऑक्टोबर २०२५ | पुण्यातील जैन बोर्डिंग प्रकरणात आता नवे वादळ उठले आहे. शिवसेना (शिंदे गट) नेते रवींद्र धंगेकर यांनी केंद्रीय राज्यमंत्री मुरलीधर मोहोळ यांच्यावर थेट बिल्डरशी संगनमताचे आरोप केले आहेत.
धंगेकरांचा दावा —
“महापौर असताना मोहोळ कोथरूडच्या बढेकर बिल्डरची गाडी वापरत होते. ती गाडी पुणे महानगरपालिकेची नव्हतीच. महापौरांच्या पाटीखाली बिल्डरची कार फिरत होती!” धंगेकरांनी सोशल मीडियावर गाडीचे पुरावे आणि दस्तऐवजांसह पोस्ट शेअर केली आहे. याच बिल्डरने जैन बोर्डिंगच्या व्यवहारात भाग घेतल्याचा आरोपही त्यांनी केला आहे.
पुणे शहराचे खासदार व केंद्रीय राज्यमंत्री मुरलीधर मोहोळ यांचा जैन होस्टेल खरेदी प्रकरणात सहभाग असल्याचे अनेक पुरावे पुणेकरांनी गेल्या काही दिवसात पाहिले आहेत. परंतु तरी देखील ते या सर्व गोष्टी योगायोग असलेले सांगतात.
मी आपणास काही माहिती देऊ इच्छितो,मोहोळ हे खासदार होण्याच्या… pic.twitter.com/01zmvCUrnj
— Ravindra Dhangekar Official (@DhangekarRavii) October 23, 2025
ते पुढे म्हणाले —
“मोहोळांनी महापौर पदाचा वापर करून बिल्डरला लाखो कोटींचा फायदा करून दिला. वेताळ टेकडी, पौड फाटा लिंक रोडसारखे प्रकल्प हाच बिल्डर वर्गासाठी मंजूर झाले. म्हणूनच माननीयांची संपत्ती चारशे पटीने वाढली.”
धंगेकरांनी हेही स्पष्ट केले की,
“बढेकर बिल्डरसोबतची भागीदारी दमदाटी करूनच झाली. या प्रकरणाचा तपास सीबीआय आणि ईडीसारख्या यंत्रणांनी करावा.”
शेवटी त्यांनी थेट मागणी केली —
“जैन बोर्डिंगचा व्यवहार रद्द करा आणि या प्रकरणात सहभागी प्रत्येकावर गुन्हा दाखल करा!”
🗣️ राजकीय वर्तुळात खळबळ — मोहोळ आणि भाजप यांच्याकडून अजून प्रतिक्रिया आलेली नाही.