✍️ महाराष्ट्र २४ | विशेष प्रतिनिधी | दि. २५ ऑक्टोबर २०२५ | भारतीय संघासाठी हा दौरा अक्षरशः “दुष्काळात तेरावा महिना” ठरत आहे! वनडेत ऑस्ट्रेलियाने अक्षरशः धूळ चारली आणि आता टी२० मालिकेच्या उंबरठ्यावर आणखी एक वाईट बातमी — टीम इंडियाचा तरुण ऑलराउंडर नितीश कुमार रेड्डी जखमी!
💥 वनडेत पदार्पण आणि लगेच दुखापत! पर्थमध्ये वनडे पदार्पण करून चमक दाखवणारा नितीश रेड्डी, अ‍ॅडलेडमध्येही खेळला होता. पण सिडनी वनडेसाठी संघातून अचानक बाहेर! बीसीसीआयनं ट्विट करत स्पष्ट केलं —“दुसऱ्या वनडेदरम्यान नितीश रेड्डीच्या डाव्या पायाच्या मांडीच्या स्नायूला दुखापत झाली असून तो सिडनी सामन्यासाठी उपलब्ध नाही. त्याच्यावर वैद्यकीय टीम दररोज लक्ष ठेवून आहे.”
😰 हार्दिक आणि पंत बाहेर, आता नितीशही! हार्दिक पांड्या आणि ऋषभ पंत आधीच दुखापतीमुळे बाहेर आहेत.त्यात आता नितीश रेड्डीची दुखापत म्हणजे संघासाठी मोठा धक्का. विशेष म्हणजे, या प्रकारच्या स्नायू दुखापतींना किमान दोन आठवडे तरी लागतात पूर्ण बरे व्हायला — म्हणजेच नितीशचं टी२० मालिकेत खेळणं संशयास्पद!
⚡ २९ ऑक्टोबरपासून टी२० मालिकेचा थरार!
भारत आणि ऑस्ट्रेलिया यांच्यात २९ ऑक्टोबर ते ८ नोव्हेंबरदरम्यान पाच सामन्यांची टी२० मालिका रंगणार आहे. सूर्यकुमार यादवच्या नेतृत्वाखाली आशिया कप जिंकून आलेला संघ आता या मालिकेत ‘रिव्हेंज मोड’मध्ये उतरू इच्छितो. पण प्रत्येक सामन्यापूर्वी नवा खेळाडू जखमी होत असेल, तर हा “रिव्हेंज” कुठे शक्य होईल? असा सवाल चाहत्यांकडून उपस्थित होत आहे.
🏏 भारताचा टी२० संघ:
सूर्यकुमार यादव (कर्णधार), अभिषेक शर्मा, शुभमन गिल, तिलक वर्मा, नितीश कुमार रेड्डी, शिवम दुबे, अक्षर पटेल, जितेश शर्मा, वरुण चक्रवर्ती, जसप्रीत बुमराह, अर्शदीप सिंग, कुलदीप यादव, हर्षित राणा, संजू सॅमसन, रिंकू सिंग, वॉशिंग्टन सुंदर.
🎯 थोडक्यात:
“जखमी खेळाडूंची यादी वाढतेय, पण भारतीय संघाचा जोश कमी नाही! आता बघायचं एवढंच — ‘ऑस्ट्रेलियन आगी’समोर ‘सूर्य’ किती तळपू शकतो?’ ☀️🔥