✍️ महाराष्ट्र २४ | विशेष प्रतिनिधी | दि. २६ ऑक्टोबर २०२५ | अमेरिकेचे राष्ट्राध्यक्ष डोनाल्ड ट्रम्प पुन्हा एकदा चर्चेत, कारण त्यांनी दावा केला आहे की भारत रशियाकडून तेल खरेदी कमी करणार असून लवकरच पूर्णपणे थांबवेल.
‘एअर फोर्स वन’वरून आशिया दौऱ्यावर निघालेल्या ट्रम्प यांनी सांगितले, “चीन रशियन तेल खरेदीत कपात करत आहे, आणि भारत तर ती खरेदी पूर्णपणे थांबवत आहे.” हे वक्तव्य त्यांनी चीनचे राष्ट्राध्यक्ष शी जिनपिंग यांच्याशी होणाऱ्या भेटीपूर्वी केल्याने आंतरराष्ट्रीय वर्तुळात हालचाल सुरू झाली आहे.
भारत आणि अमेरिकेमध्ये सध्या टॅरिफ आणि रशियन तेल खरेदीवरून तणाव वाढलेला आहे. ट्रम्प यांनी भारतावर ५० टक्के शुल्क लादले असून, “भारत युक्रेन युद्धाला अप्रत्यक्ष पाठबळ देतोय,” असा आरोपही त्यांनी केला आहे.
China cutting back ‘SUBSTANTIALLY’ on Russian oil — Trump
India halting purchases ‘COMPLETELY’
‘And we’ve done sanctions’ https://t.co/rkiVHQIJAS pic.twitter.com/xKBEI9v5CI
— RT (@RT_com) October 25, 2025
याच महिन्याच्या सुरुवातीला ट्रम्प यांनी असाच दावा करताना सांगितले होते की पंतप्रधान नरेंद्र मोदींनी त्यांना तेल खरेदी थांबवण्याचं आश्वासन दिलंय, मात्र भारताच्या परराष्ट्र मंत्रालयाने तो दावा फेटाळून लावत स्पष्ट केलं होतं की भारत आपल्या राष्ट्रीय हिताला प्राधान्य देणार.
🗣️ थोडक्यात:
ट्रम्प यांच्या वक्तव्याने पुन्हा एकदा भारत-अमेरिका संबंधांमध्ये राजनैतिक ताप वाढला आहे; तर शी जिनपिंग भेटीपूर्वीचा हा दावा वॉशिंग्टन आणि बीजिंग दरम्यानही नवा व्यापार वाद उभा करणार असं दिसतंय!