✍️ महाराष्ट्र २४ | विशेष प्रतिनिधी | दि. २६ ऑक्टोबर २०२५ | ऑस्ट्रेलिया उच्च शिक्षणासाठी जागतिक पातळीवर ओळखले जाते आणि येथे दरवर्षी अनेक भारतीय विद्यार्थी उच्च शिक्षण घेण्यासाठी येतात. आर्टिफिशियल इंटेलिजन्स (AI) या क्षेत्रात वेगाने वाढ होत आहे. भविष्यातील टेक उद्योगाचे भविष्य (AI) वर अवलंबून आहे.
ऑस्ट्रेलियातील युनिव्हर्सिटीज AI शिक्षण आणि संशोधनात आघाडीवर आहेत. येथे AIसाठी खास डिग्री कोर्सेस आहेत जे थिअरीसह प्रॅक्टिकल अनुभवावरही भर देतात. विद्यार्थी विविध प्रोजेक्ट्स आणि संशोधन कामांमध्ये सहभागी होऊन उद्योगातील आवश्यक कौशल्ये आत्मसात करू शकतात.
ऑस्ट्रेलियातील प्रमुख AI युनिव्हर्सिटीज
– मेलबर्न युनिव्हर्सिटी
– सिडनी युनिव्हर्सिटी
– ऑस्ट्रेलियन नॅशनल युनिव्हर्सिटी
– युनिव्हर्सिटी ऑफ न्यू साउथ वेल्स
– मोनाश युनिव्हर्सिटी
– युनिव्हर्सिटी ऑफ टेक्नॉलॉजी सिडनी
– मॅक्वायर युनिव्हर्सिटी
AI प्रोफेशनल्ससाठी मागणी
ऑस्ट्रेलियामध्ये टेक इंडस्ट्रीत AI स्पेशलिस्टची खूप मागणी आहे. सरकार आणि खाजगी क्षेत्र दोन्ही AI मध्ये गुंतवणूक वाढवत आहेत, ज्यामुळे 2030 पर्यंत अंदाजे 2,00,000 नवीन AI नोकऱ्या तयार होतील. AI इंजिनिअर, मशीन लर्निंग इंजिनिअर, डेटा सायंटिस्ट, डीप लर्निंग इंजिनिअर, आणि NLP तज्ज्ञ या पदांसाठी संधी सर्वाधिक आहेत.
पगार
0-3 वर्ष अनुभव: 57 ते 74 लाख रुपये वार्षिक
3-6 वर्ष अनुभव: 74 ते 96 लाख रुपये वार्षिक
6 वर्षांपेक्षा अधिक अनुभव: 1.25 कोटी रुपयांपेक्षा जास्त वार्षिक