✍️ महाराष्ट्र २४ | विशेष प्रतिनिधी | दि. २६ ऑक्टोबर २०२५ | मुख्यमंत्री देवेंद्र फडणवीस यांनी पिंपरी-चिंचवड महापालिका भाजप स्वबळावर लढवणार असल्याचं सांगितलं, आणि लगेच विधानसभेचे उपाध्यक्ष अण्णा बनसोडे मैदानात उतरले —“स्वबळाची गोष्ट सोडा, पिंपरीत राष्ट्रवादी काँग्रेसचं वर्चस्व पुन्हा दिसणारच!”
अण्णा बनसोडेंचा दावा स्पष्ट — “भाजप, काँग्रेस, शिवसेना या तिन्ही पक्षांचे कार्यकर्ते राष्ट्रवादीत यायला उत्सुक आहेत. निवडणूक जवळ आली की हे प्रवेश डोळ्यांनी दिसतील. अजितदादांच्या नेतृत्वाखाली १५ वर्षे शहराचा विकास झाला, जनता ते विसरणार नाही.”
ते पुढे म्हणाले —
“राज्यात महायुतीचं सरकार असलं तरी प्रत्येक पक्षाला स्वबळावर लढण्याची इच्छा आहे. मात्र, लढलो तरी युतीचा धर्म पाळू.”
पक्षातील कलहाबद्दल म्हणाले —
“राष्ट्रवादीत मतभेद नाहीत, सर्वजण अजितदादांचं नेतृत्व मानतात. उमेदवारीचा निर्णय दादाच घेतील आणि आम्ही आदेशाचे पालन करू.”
💬 थोडक्यात —
फडणवीसांनी ‘स्वबळा’चा नारा दिला,
पण अण्णा बनसोडेंनी ‘वर्चस्वा’चा झेंडा उंचावला !
पिंपरीत पुन्हा एकदा राष्ट्रवादी काँग्रेसचीच सत्ता येणार — अण्णा बनसोडेंचा ठाम दावा.