✍️ महाराष्ट्र २४ | विशेष प्रतिनिधी | दि. १० नोव्हेंबर २०२५ | सोनं म्हणजे सुरक्षित गुंतवणुकीचं प्रतीक — पण आता “डिजिटल सोनं” या नव्या ट्रेंडनं अनेकांना मोहात पाडलं आहे. मोबाईलवर दोन क्लिकमध्ये सोने खरेदी-विक्री करणं, साठवणुकीचा त्रास नाही, चकचकीत जाहिराती — सगळं काही परफेक्ट! पण… या डिजिटल सोन्याच्या दुनियेत एक मोठा सापळा दडला आहे.
सेबीचा थेट इशारा : “सावध राहा!”
भारतीय प्रतिभूती आणि विनिमय मंडळानं (SEBI) स्पष्ट केलं आहे —
👉 डिजिटल गोल्ड आणि ई-गोल्ड ही उत्पादने सेबीच्या नियमनाखाली येत नाहीत.
👉 ही गोल्ड ETF किंवा इलेक्ट्रॉनिक गोल्ड रिसीट्स (EGR) पेक्षा पूर्णपणे वेगळी आहेत.
👉 म्हणजेच, डिजिटल गोल्डमध्ये फसवणूक झाली — तर सेबी तुम्हाला वाचवू शकत नाही!
अनेक ऑनलाइन अॅप्स आणि प्लॅटफॉर्म्स लोकांना “सुरक्षित आणि त्वरित नफा देणारं डिजिटल गोल्ड” म्हणून फसवत आहेत. परंतु या गुंतवणुकीवर कोणत्याही अधिकृत संस्थेचं नियंत्रण नसल्याने, तुमचं पैसे आणि सोनं दोन्हीही हवेत विरून जाण्याचा धोका आहे.
डिजिटल गोल्डची खरी फसवणूक म्हणजे —
सोनं खरेदी तुम्ही करता, पण ते प्रत्यक्षात तुमच्या नावावर अस्तित्वात आहे की नाही, याची खात्री नसते. आणि एखाद्या दिवशी अॅपच गायब झालं, तर सगळं संपलं!
📉 तज्ज्ञांचा सल्ला :
फक्त SEBI-नियंत्रित Gold ETFs किंवा EGRs मध्येच गुंतवणूक करा.
अज्ञात वेबसाइट्स, मोबाईल अॅप्स, किंवा सोशल मीडियावरील ऑफर्स टाळा.
“डिजिटल सोने” या नावाखाली फसवणुकीच्या जाळ्यात अडकू नका.
💬 “डिजिटल सोनं” दिसायला चमकदार असलं तरी त्यातली जोखीम खरी सोन्याहून जड ठरू शकते!