😱 Govinda Hospitalised : अभिनेता गोविंदाची प्रकृती अचानक बिघडली, तडकाफडकी रुग्णालयात दाखल

✍️ महाराष्ट्र २४ | विशेष प्रतिनिधी | दि. १२ नोव्हेंबर २०२५ | बॉलिवूडमधून आणखी एक धक्कादायक बातमी!अभिनेता गोविंदा (Govinda) यांची प्रकृती अचानक बिघडल्याने त्यांना रुग्णालयात दाखल करण्यात आले आहे. काल मंगळवारी (११ नोव्हेंबर) रात्री सुमारे ८ वाजता गोविंदांची तब्येत बिघडली आणि त्यानंतर त्यांना मुंबईतील जुहू परिसरातील क्रिटीकेअर हॉस्पिटलमध्ये दाखल करण्यात आले.

🏥 काय घडलं नेमकं?
मीडिया रिपोर्टनुसार, गोविंदांना “Disorientation” जाणवू लागल्याने त्यांची प्रकृती अचानक खालावली. डॉक्टरांच्या सल्ल्यानुसार प्रथम घरच्यांनी औषधोपचार केले, पण स्थिती नियंत्रणात न आल्याने पहाटे १ वाजता त्यांना तातडीने रुग्णालयात नेण्यात आले. सध्या गोविंदांची अनेक वैद्यकीय चाचण्या सुरू असून, काही निकाल प्रतीक्षेत आहेत. डॉक्टरांच्या देखरेखीखाली त्यांच्यावर उपचार सुरू आहेत.

🙏 चाहत्यांमध्ये चिंता

६१ वर्षीय गोविंदाला रुग्णालयात दाखल केल्याची बातमी समजताच चाहत्यांमध्ये चिंतेचं वातावरण निर्माण झालं आहे. सोशल मीडियावर चाहते “Get Well Soon Govinda” हॅशटॅगसह त्यांच्या लवकर बरे होण्यासाठी प्रार्थना करत आहेत.

🎬 अलिकडील घडामोडी
अलिकडेच गोविंदा त्यांच्या वैयक्तिक आयुष्यामुळे चर्चेत होते. पत्नी सुनीता आहुजा यांच्याशी त्यांच्या नात्यात दुरावा आल्याची चर्चा सोशल मीडियावर रंगली होती. तसेच ते नुकतेच ‘Too Much’ या काजोल आणि ट्विंकल खन्ना यांच्या शोमध्ये दिसले होते. चाहते आता त्यांचा आगामी प्रोजेक्ट आणि प्रकृतीबाबत अधिकृत अपडेटची वाट पाहत आहेत.