✍️ महाराष्ट्र २४ | विशेष प्रतिनिधी | दि. १७ नोव्हेंबर २०२५ | देशातील पहिला द्रुतगती महामार्ग असलेल्या मुंबई–पुणे एक्सप्रेस वेवर गेल्या काही दिवसांपासून मोठ्या प्रमाणात वाहतूककोंडी होण्याचे प्रकार वाढले आहेत. विकेंडला तर वाहनांच्या लांबच लांब रांगा लागून प्रवासाला दुप्पट वेळ लागत असल्याची तक्रार प्रवाशांनी केली आहे. या पार्श्वभूमीवर राज्य सरकारने एक्सप्रेस वेचा विस्तार करण्याचा मेगा प्लान आखला आहे.
राज्य सरकार आणि एमएसआरडीसीने मिळून तयार केलेल्या या प्रकल्पानुसार १४,२६० कोटी रुपयांच्या खर्चातून एक्सप्रेस वेवर आणखी ४ लेन वाढवण्यात येणार आहेत. सध्या सहा पदरी असलेला ९५ किमीचा हा मार्ग आगामी काही वर्षांत दहा पदरी (10-lane) होणार आहे. त्यामुळे मुंबई–पुणे प्रवास पूर्वीपेक्षा अधिक वेगवान होईल.
एक्सप्रेसवे विस्ताराचे प्रमुख मुद्दे
एकूण लांबी: ९५ किमी
सध्याची रचना: ६ लेन
नवीन प्रस्ताव: +4 लेन (एकूण 10 लेन)
एकूण अंदाजे खर्च: ₹ 14,260 कोटी
काम पूर्ण होण्याचा लक्ष्य कालावधी: वर्ष 2030
राज्य सरकारचा वाटा: 40% पर्यंत
उर्वरित निधी: निविदा प्रक्रियेतून निवडलेल्या कंपनीकडून
एमएसआरडीसीच्या अधिकाऱ्यांनी दिलेल्या माहितीनुसार, हा प्रकल्प राज्य सरकारकडे प्रस्तावित केला जाणार असून मंजुरी मिळताच निविदा प्रक्रिया सुरू होईल.
वाहतूककोंडी का वाढली?
मुंबई–पुणे एक्सप्रेसवेवर दररोज ८०,000 ते १ लाख वाहने धावतात. विकेंड आणि सुट्टीच्या काळात ही संख्या आणखी वाढते.
२०२० मध्ये कोंडी कमी करण्यासाठी १९० वर्षे जुना अमृतांजन पूल हटवला, तरीही समस्या कायम राहिली.
मिसिंग लिंक प्रकल्प पूर्ण झाल्यावर वाहतूक आणखी वाढण्याची शक्यता आहे.
अलीकडे 5–10 किमीच्या वाहनांच्या रांगा लागल्याचे चित्र दिसले.
काही प्रवाशांनी सोशल मीडियावर मुंबई–पुणे प्रवासाला आठ तास लागल्याची तक्रार केली.
यामुळे महामार्गाचा विस्तार करण्याची गरज सरकारला प्रकर्षाने जाणवली.
नवीन लेनमुळे काय बदलणार?
मुंबई–पुणे प्रवास अधिक वेगवान आणि अवाढव्य वाहतुकीपासून मुक्त
विकेंडची प्रचंड कोंडी कमी
मिसिंग लिंक प्रकल्पानंतरची वाढती वाहतूक सहज सामावून घेता येईल
जुना महामार्ग आणि एक्सप्रेसवे एकत्रितपणे 10-पदरी प्रवाह देऊ शकतील
प्रवासाचा वेळ मोठ्या प्रमाणात कमी होण्याची शक्यता