✍️ महाराष्ट्र २४ | विशेष प्रतिनिधी | दि. १९ नोव्हेंबर २०२५ | पिंपरी, दि.१८ (प्रतिनिधी) –पिंपरी चिंचवड हा राष्ट्रवादी काँग्रेसचा बालेकिल्ला पुन्हा काबिज करण्याकरिता व तो अधिकाधिक मजबूत रहावा या दृष्टीकोनातून उपमुख्यमंत्री अजितदादा पवार आणि प्रदेशाध्यक्ष सुनील तटकरे यांनी मुंबईत झालेल्या एका कार्यक्रमात राज्यात होणाऱ्या सर्व स्थानिक स्वराज्य संस्थाच्या निवडणकांच्या दृष्टीने जिल्हा समन्वय व नियोजन करण्याकरिता राष्ट्रवादी काँग्रेस पक्षातर्फे पिंपरी चिंचवड शहराकरिता मा.आमदार श्री.विलास लांडे यांची नियुक्ती करण्यात आली आहे. तसेच मा.सभापती, शिक्षण मंडळ श्री.विजय लोखंडे यांची पिंपरी–चिंचवड शहर कार्याध्यक्ष पदी नियुक्ती केली आहे.
पिंपरी–चिंचवड महानगरपालिका 2025-2026 निवडणुकीच्या पार्श्वभूमीवर या अतिशय महत्त्वपूर्ण जबाबदारीसाठी मा. अजितदादा पवार साहेब व मा. सुनील तटकरेसाहेब यांचे व पक्षाचे विचार समाजातील तळागाळापर्यंत पोहचविण्याचे यशस्वी प्रयत्न करतील असे नियुक्तीची माहिती देताना शहराध्यक्ष योगेश बहल यांनी विश्वास व्यक्त केला आहे तसेच यांच्या पुढील कार्यास शुभेच्छा दिल्या आहेत,
आज राष्ट्रवादी काँग्रेस पक्षाचे राष्ट्रीय अध्यक्ष, महाराष्ट्र राज्याचे उपमुख्यमंत्री मा. अजितदादा पवार साहेब आणि पक्षाचे प्रदेशाध्यक्ष मा. सुनील तटकरे साहेब यांनी माझ्यावर विश्वास ठेवून मला पिंपरी-चिंचवड शहर (जिल्हा) राष्ट्रवादी काँग्रेस कार्याध्यक्ष पदी नियुक्त करण्याचा निर्णय घेतला.या अत्यंत महत्त्वपूर्ण जबाबदारीबद्दल मी आदरणीय दादांचे तसेच शहराध्यक्ष योगेशजी बहल साहेबांचे मनःपूर्वक आभार मानतो. त्यांच्या नेतृत्वावर असलेली माझी निष्ठा आणि माझ्यावर दाखवलेला विश्वास हे माझ्यासाठी मोठे प्रेरणास्थान आहे.पुढील काळात पिंपरी-चिंचवडमध्ये झालेल्या विकासकामांच्या बळावर राष्ट्रवादी काँग्रेस पक्षाचे विचार घरोघरी पोहोचवण्यासाठी मी कटिबद्ध राहणार आहे. तसेच पक्षसंघटना अधिक सबळ, सक्षम आणि सर्वसमावेशक करण्यासाठी पूर्ण समर्पणाने कार्य करत राहीन.
विजय लोखंडे , राष्ट्रवादी काँग्रेस पिंपरी चिंचवड शहर कार्याध्यक्ष .