✍️ महाराष्ट्र २४ | विशेष प्रतिनिधी | दि. २५ नोव्हेंबर २०२५ | पिंपरी–चिंचवड | गर्भपाताच्या सलग प्रसंगांनी थकलेल्या, निराश झालेल्या 35 वर्षीय महिलेच्या आयुष्यात आयुर्वेदाने आशेचा किरण दाखवला आहे आणि याच उल्लेखनीय उपचारप्रयोगाने निर्विकार आयुर्वेद हॉस्पिटलच्या डॉ. सारिका लोंढे यांनी आंतरराष्ट्रीय परिषदेत प्रभावी छाप सोडली.
सहा सलग गर्भपात — कोणत्याही दाम्पत्यासाठी हा शब्दसुद्धा थरकाप उडवणारा. मानसिक ताण, शारीरिक थकवा आणि “पुन्हा काही चूक तर होणार नाही ना?” ही सतत कुरतडणारी भीती… अशा अवस्थेत रुग्णाने आयुर्वेदाचा धीर धरला आणि तिथेच घडली नवी कहाणी.
डॉ. लोंढे यांनी रुग्णातील वात–पित्त असंतुलन, त्रिदोष दुष्टी आणि प्रजनन धातूची क्षीणता ओळखून शास्त्रोक्त उपचारयोजना आखली —
विरेचन, उत्तरबस्ती, रसायन उपचार आणि सत्त्वावजय चिकित्सा.
आणि इथेच आयुर्वेदाने आपली ताकद दाखवली.
✨ उल्लेखनीय परिणाम
उपचारानंतर रुग्ण नैसर्गिकरीत्या गर्भवती झाली. ते ही एक नाही तर अत्यंत धोकादायक समजल्या जाणाऱ्या Monochorionic–Monoamniotic ट्विन प्रेग्नन्सीचे पूर्ण कालावधीपर्यंत सुरक्षित वहन!
दोन्ही बाळांचा यशस्वी आणि पूर्णतः निरोगी जन्म — हा परिणाम जणू आयुर्वेदाच्या उपचारक्षमतेचा मुद्रांकच.
“हे यश केवळ एका रुग्णाचे नाही; हे आयुर्वेदाच्या शास्त्रीय दृष्टिकोनाचे जागतिक व्यासपीठावर केलेले ठोस प्रदर्शन आहे,” असे डॉ. लोंढे यांनी परिषदेत सांगितले. त्यांच्या मते, जिज्ञासा, समर्पण आणि सर्वांगीण दृष्टी ठेवल्यास आयुर्वेद कठीणातल्या कठीण स्थितीतही चमत्कारिक परिणाम देऊ शकतो.
निर्विकार आयुर्वेद हॉस्पिटल– भोसरी, पिंपरी–चिंचवड यांनी अशा संशोधनाधारित उपचार पद्धती पुढेही सातत्याने राबविण्याचा संकल्प व्यक्त केला आहे.
📞 संपर्क : 7776008686