महाराष्ट्र २४ । विशेष प्रतिनिधी । दि. १२ ऑगस्ट । नवी मुंबई महाराष्ट्र नवनिर्माण सेनेला मोठा धक्का बसला आहे. मनसेचे नवी मुंबई शहर अध्यक्ष गजानन काळे यांच्यावर पत्नीकडून गुन्हा दाखल करण्यात आला आहे. नेरूळ पोलीस ठाण्यात हा गुन्हा दाखल करण्यात आला आहे. मानसिक आणि शारीरिक छळवणूक करणे, जातीवाचक शिवीगाळ करणे आदी कलमांखाली नेरूळ पोलीस ठाण्यात गुन्हा दाखल करण्यात आला आहे. (MNS City President Gajanan Kale wife filed complaint against him blaming physical and mental trouble ) या घटनेमुळे नवी मुंबईत आणि मनसेच्या गोटात खळबळ उडाली आहे.
मानसिक आणि शारिरीक छळवणूक करणे, जातीवाचक शिवीगाळ करणे, आदी कलमांखाली गुन्हा दाखल करण्यात आला आहे. गेल्या काही वर्षांपासून गजानन काळे आपल्याला मारहाण करीत असून जातीवाचक शिवीगाळ करीत असल्याचा आरोप त्यांच्या पत्नीने केला आहे. त्याचबरोबर गजानन काळे यांचे बाहेरील महिलांशी संबंध असल्याने आपल्यावर घरात अन्याय करीत असल्याचाही आरोप पत्नीने नोंदवलेल्या FIR मध्ये केला आहे.