महाराष्ट्र । विशेष प्रतिनिधी । दि.१९ मे । तुम्ही जर अशा लोकांपैकी एक असाल ज्यांनी 2020-21 या आर्थिक वर्षासाठी इन्कम टॅक्स रिटर्न (ITR) भरला नाही, तर तुमच्यासाठी एक महत्त्वाची बातमी आहे. इन्कम टॅक्स रिटर्न न भरलेल्या लोकांना नॉन-फायलर्सच्या यादीत सामील केले जाते. त्यामुळे आता या अशा लोकांना जास्त टीडीएस कपातीला सामोरे जावे लागणार आहे. सेंट्रल बोर्ड ऑफ डायरेक्ट टॅक्सेस (CBDT) ने आयकर रिटर्न न भरणाऱ्यांच्या संदर्भात आयकर कायदा 1961 च्या कलम 206AB आणि 206CCA अंतर्गत अधिसूचना जारी केली आहे.
अधिसूचनेत काय म्हटले?
गेल्या वर्षाच्या आधीच्या दोन मूल्यांकन वर्षांमध्ये ज्या करदात्याने आयटीआर दाखल केलेला नाही अशा लोकांकडून कर वजा करणे किंवा वसूल करणे आवश्यक आहे. लक्षणीय आहे की कलम 139 च्या उप-कलम (1) अंतर्गत या लोकांची रिटर्न भरण्याची तारीख संपली आहे.
2022-23 या आर्थिक वर्षासाठी या यादीत कोणतेही नवीन नाव समाविष्ट करण्यात आलेले नाही. तसेच, जर एखाद्या पात्र व्यक्तीने 2022-23 या आर्थिक वर्षातील मूल्यांकन वर्ष 2021-22 साठी आयकर रिटर्न फाइल केले तर त्याचे नाव यादीतून काढून टाकले जाईल. तसेच, कलम 206AB च्या तरतुदीनुसार एखाद्या व्यक्तीच्या किंवा हिंदू अविभाजित कुटुंबाच्या आभासी डिजिटल मालमत्तेच्या हस्तांतरणासाठी देखील लागू होणार नाहीत ज्यांची उलाढाल त्याच्या व्यवसायाच्या बाबतीत एक कोटी रुपयांपेक्षा जास्त आणि व्यवसायाच्या बाबतीत 50 लाख रुपयांपेक्षा जास्त नाही.
काय आहे कलम 206AB आणि 206CCA
> कलम 206AB नियमानुसार ज्या लोकांनी आयकर रिटर्न भरले नाही, अशा लोकांना पेमेंट किंवा कलेक्शन अंतर्गत अधिक टीडीएस आकारला जाऊ शकतो.
> कलम 206CCA अंतर्गत खरेदीदाराकडून पैसे घेण्यासाठी जादा टीसीएस आकारला जाईल.