महाराष्ट्र २४ – ऑनलाईन – विशेष प्रतिनिधी- ओमप्रकाश भांगे – पुणे : पेट्रोल डिझेल सलग १४ व्या दिवशी महागले. गेल्या १४ व्या दिवसांत पेट्रोल दरात प्रतिलिटर ७.६२ रुपयांनी तर डिझेल दरात ८.२८ रुपयांची वाढ झाली आहे. दिल्लीत पेट्रोलचे दर प्रतिलिटर ५१ पैशांनी तर डिझेलचे दर ६१ पैशांनी वाढले. इंधन दरात मोठी वाढ झाल्याने महागाईचा भडका उडण्याची शक्यता आहे.
दिल्लीत पेट्रोलचा दर प्रतिलिटर ७८.८८ रुपयांवर तर डिझेल ७७.६७ रुपयांवर पोहोचले आहे. आंतरराष्ट्रीय बाजारपेठेत इंधनाचे दर स्थिर असतानाही तेल कंपन्यांकडून दररोजच्या दरवाढ सुरु आहे. ७ जूनपासून पेट्रोल व डिझेलच्या दरात दररोज सरासरी पन्नास पैशांची वाढ होत आली आहे.
जागतिक बाजारपेठेत क्रूड तेलाचे दर ४० डॉलर्स प्रति बॅरलच्या आसपास स्थिर असले तरी मागील चौदा दिवसांपासून पेट्रोलियम पदार्थांचे दर वाढविण्यात येत आहेत.