महाराष्ट्र २४ ।। विशेष प्रतिनिधी ।। दि. २१ जुन ।। बांगलादेशविरूद्धच्या सामन्यात एक बळी घेऊन ऑस्ट्रेलियाचा वेगवान गोलंदाज मिचेल स्टार्कने ऐतिहासिक कामगिरी केली. तो आयसीसी वन डे आणि ट्वेंटी-२० विश्वचषकात सर्वाधिक बळी घेणारा गोलंदाज ठरला आहे. त्याने याबाबतीत श्रीलंकेचा दिग्गज लसिथ मलिंगाला मागे टाकले. सुपर-८ मध्ये विजयी सलामी देण्यात बलाढ्य ऑस्ट्रेलियाला यश आले. प्रथम गोलंदाजीत मग फलंदाजीत आणि पावसाने केलेल्या मदतीमुळे कांगारूंचा विजय सोपा झाला. पॅट कमिन्सने हॅटट्रिक घेत ऐतिहासिक कामगिरी केली. २००७ मध्ये ब्रेट लीने ट्वेंटी-२० विश्वचषकात हॅटट्रिक घेण्याची किमया साधली होती. त्यानंतर विश्वचषकात हॅटट्रिक घेणारा कमिन्स दुसरा ऑस्ट्रेलियन गोलंदाज ठरला आहे.
विश्वचषकात सर्वाधिक बळी घेणारे शिलेदार –
मिचेल स्टार्क – वन डे (६५) आणि ट्वेंटी-२० (३०) – एकूण बळी (९५
लसिथ मलिंगा – वन डे (५६) आणि ट्वेंटी-२० (३८) – एकूण बळी (९४)
शाकिब अल हसन – वन डे (४३) आणि ट्वेंटी-२० (३४) – एकूण बळी (९२)
ट्रेन्ट बोल्ट – वन डे (५३) आणि ट्वेंटी-२० (३४) – एकूण बळी (८७)
मुथय्या मुरलीधरन – वन डे (६८) आणि ट्वेंटी-२० (११) – एकूण बळी (७९)
Mitch Starc on ????
The Australia pacer has climbed to the #1 spot for most wickets in Men's World Cup history across both formats ???? pic.twitter.com/Kw0U2VeHbw
— T20 World Cup (@T20WorldCup) June 21, 2024
