महाराष्ट्र २४ ।। विशेष प्रतिनिधी ।। दि. १७ ऑगस्ट ।। प्रत्येकजण आपल्या कामातीतून काही प्रमाण बचत करतो आणि अशा ठिकाणी गुंतवू इच्छितो ज्यातून त्याला मजबूत परतावा मिळेल. बँक किंवा पोस्ट ऑफिसमधील पारंपरिक सरकारी योजनांव्यतिरिक्त म्युक्युअल फंड आजच्या काळात एक शानदार पर्याय म्हणून उदयास आला आहे. दीर्घकाळात म्युच्युअल फंडाने लोकांवर पैशाचा पाऊस पडला आणि करोडपती बनण्याचं अनेकांचं स्वप्न पूर्ण केलं. पण हे लक्ष्य साध्य करण्यासाठी एका विशेष सूत्रानुसार SIP करावं लागेल. जाणून घेऊया SIP मध्ये गुंतवणूक करण्याचे सूत्र काय आहे.
चक्रवाढीचा लाभ
सर्वप्रथम SIP बद्दल बोलायचे तर सिस्टिमॅटिक इन्व्हेस्टमेंट प्लॅन (एसआयपी) एक दीर्घकालीन गुंतवणूक प्रक्रिया असून यामध्ये गुंतवणुकीवर मजबूत परताव्यासह दीर्घकाळात चक्रवाढीचा लाभही मिळतो ज्यामुळे तुम्ही मोठा निधी उभा करू शकता. 10X21X12 सूत्राचा अवलंब करून तुम्ही दरमहा फक्त १० हजार रुपये जमा करून करोडपती होण्याचे तुमचे स्वप्न पूर्ण करू शकता.
एसआयपीवर मजबूत परतावा
शेअर बाजार असो किंवा म्युच्युअल फंड दोघांमधील गुंतवणूक जोखमीच्या अधीन असून परताव्यात चढउतार दिसून येतील म्हणजे तुमचा वास्तविक परतावा कमी किंवा जास्त असू शकतो. पण एसआयपीने यापूर्वी गुंतवणूकदारांना १० ते १५% किंवा त्याहून अधिक परतावा दिला असून अनेक एसआयपींचा परतावा दीर्घकालीन १८ ते २० टक्क्यांपर्यंत जाऊ शकतो.
10X21X12 सूत्र कसे काम करते
आता आपण वरील फॉर्म्युलानुसार गुंतवणूक केली तर तुमच्या दरमहा उत्पन्नातून १० हजार रुपये वाचवा. त्यानंतर तुम्ही एका महिन्यात वाचवलेले १० हजार रुपये तुम्हाला २१ वर्षे नियमितपणे एसआयपीमध्ये गुंतवा ज्यावर किमान १२ टक्के परतावा मिळाले. तसेच दीर्घकालीन SIP गुंतवणुकीवर १८ ते २०% परतावा मिळतो, परंतु येथे आपण सरासरी १२% परतावा गृहीत धरूया. १२ टक्के परताव्यासह नियमित एवढी बचत करूनही एक कोटीपेक्षा जास्त निधी उभा करता येऊ शकतो.
करोडपती बनायचं संपूर्ण हिशोब
आता आपण SIP कॅल्क्युलेटरद्वारे गणित केल्यास दरमहा १० हजार रुपयांची बचत तुम्ही SIP मध्ये २१ वर्षांसाठी गुंतवणूक केल्यास १२% वार्षिक परताव्यानुसार तुमची या कालावधीत एकूण गुंतवणूक २५,२०,००० रुपयांची होईल. यावर तुम्हाला कंपाऊंडिंग रिटर्न ८८,६६,७४२ रुपये मिळतील. अशाप्रकारे तुमचा एकूण निधी १,१३,८६,७४२ रुपये होईल. दुसरीकडे, तुम्ही २१ ऐवजी फक्त १५ वर्षांसाठी गुंतवणूक केली तर तुम्हाला १८ लाख रुपयांच्या गुंतवणुकीवर ५०,४५,७६० रुपयांचा परतावा मिळेल.