महाराष्ट्र २४ ।। विशेष प्रतिनिधी ।। दि. १६ सप्टेंबर ।। पालक, वांगे, टोमॅटो, कोथिंबीर, फुलकोबीची मागणी वाढलेली आहे. त्या तुलनेत भाजीची आवक कमी असल्याने भाजीचे भाव रविवारी पुन्हा वधारले. विशेष म्हणजे कोथिंबरचे दर प्रतिकिलो ४०० रुपये झाले आहे. मात्र, पावसाने उसंत दिल्यास पुढील आठवड्यात भाज्यांचे भाव कमी होण्याची शक्यता आहे. पावसाने उघडीप दिल्यास स्थानिक शेतकऱ्यांकडून भाज्यांची आवक सुरू होऊन दर घटतील अशी शक्यता आहे.
भाज्यांच्या मागणीत दुप्पटीने वाढ झालेली आहे. आवक मात्र, १५ टक्क्यांवर आलेली आहे. परिणामी भाव कडाडले आहेत. राज्यात सुरू असलेल्या पावसाचा पालेभाज्यांना फटका बसला आहे. परिणामी, कोथिंबिरीच्या पिकाचे सर्वाधिक नुकसान झाले आहे. त्यामुळे भाव वाढलेले आहेत असे भाजी विक्रेते राम महाजन यांनी सांगितले.
ठोक बाजारातील दर (प्रतिकिलो)
कोथिंबीर – २५० रुपये
पालक – ४० रुपये
टोमॅटो – ३० रुपये
वांगे – ३० रुपये
भरताचे वांगे – ५० रुपये
फुलकोबी – ४० रुपये
पानकोबी -२५ रुपये
कोहळ – २० रुपये
शिमला मिरची – ५० रुपये
भेंडी – ५० रुपये
ढेमस – ६० रुपये
चवळी शेंगा – ३० रुपये
गवार – ६० रुपये
काकडी – ३० रुपये