महाराष्ट्र २४ । विशेष प्रतिनिधी ।। दि. २० एप्रिल ।। आयपीएल 2024 च्या 34 व्या सामन्यात लखनौ सुपरजायंट्सने चेन्नई सुपरजायंट्सचा एकतर्फी 8 गडी राखून पराभव केला. या विजयात लखनौचा कर्णधार केएल राहुलने 82 धावांची खेळी केली. राहुलने शानदार फलंदाजी केली, पण तो ज्या पद्धतीने बाद झाला ते पाहून जगाला धक्का बसला. वास्तविक, केएल राहुलला जगातील सर्वोत्तम क्षेत्ररक्षकांपैकी एक असलेल्या रवींद्र जडेजाने झेलबाद केले. हा झेल इतका नेत्रदीपक होता की त्याचे वर्णन आयपीएल 2024 मधील सर्वोत्तम झेल म्हणून केले जात आहे. जडेजाने पॉइंट रिजनमध्ये केएल राहुलचा झेल घेतला, ज्याचा व्हिडिओ पाहून सर्वजण आश्चर्यचकित झाले आहेत.
18व्या षटकाच्या पहिल्या चेंडूवर केएल राहुल बाद झाला. पाथिरानाने ऑफ स्टंपच्या बाहेर राहुलला चेंडू टाकला. चेंडू अतिशय सामान्य होता आणि त्यावर राहुलने पूर्ण ताकदीनिशी कट शॉट खेळला. चेंडू एका बुलेटच्या वेगाने पॉइंटच्या दिशेने जात होता आणि अचानक जडेजाने डायव्हिंग करून चेंडू एका हाताने पकडला. जडेजाने हा झेल घेताच धोनी चकित झाला. चेन्नईचा कर्णधार ऋतुराज गायकवाड आणि स्वत: गोलंदाज पाथिराना यांचा डोळ्यांवर विश्वास बसत नव्हता. दुसरीकडे, जडेजा हा झेल घेतल्यानंतर पूर्णपणे सामान्य राहिला. का नाही, त्याने त्याच्या कारकिर्दीत अनेकदा असे झेल घेतले आहेत. मात्र, सामन्यात समालोचन करणाऱ्या रवी शास्त्री यांनी जडेजाचा हा या मोसमातील सर्वोत्तम झेल असल्याचे वर्णन केले.
You cannot do that Ravindra Jadeja! ????#LSGvCSK #TATAIPL #IPLonJioCinema | @ChennaiIPL pic.twitter.com/3KjaacpDwH
— JioCinema (@JioCinema) April 19, 2024
तसे, रवींद्र जडेजानेही बॅटने अप्रतिम कामगिरी केली. चेन्नईने या डावखुऱ्या फलंदाजाला चौथ्या क्रमांकावर फलंदाजीसाठी पाठवले. जडेजाने 40 चेंडूत नाबाद 57 धावा केल्या, त्याने चेन्नईला 20 षटकांत 176 धावांपर्यंत पोहोचवले, पण तरीही तो पराभव टाळू शकला नाही. चेन्नईच्या गोलंदाजांनी सरासरी कामगिरी केली. क्विंटन डी कॉकने 43 चेंडूत 54 धावा केल्या. तर केएल राहुलने 53 चेंडूत 82 धावांची खेळी केली. निकोलस पुरननेही 12 चेंडूत नाबाद 23 धावा केल्या.
