महाराष्ट्र २४ – ऑनलाईन वृत्तसेवा – दि. २७ ऑगस्ट – मागील काही दिवस सोने आणि चांदीच्या दरात सुरु असलेली घसरण गुरुवारी देखील कायम आहे. सध्या मल्टी कमाॅडिटी एक्सचेंजवर (MCX) सोने २४ रुपयांनी कमी झाले असून त्याचा भाव प्रती १० ग्रॅम ५१७५५ रुपये झाला आहे. चांदीचा भाव १०९ रुपयांनी कमी झाला असून तो एक किलोला ६७४२० रुपये आहे. दरम्यान गेल्या काही दिवसांतील घसरणीमुळे सराफा बाजारात २२ कॅरेट सोन्याचा भाव ५० हजारांखाली आला आहे.
लोक बेरोजगार, अर्थव्यवस्था कोसळत असताना ‘या’ व्यक्तीची संपत्ती ८७ अब्ज डॉलरने वाढली
goodreturns या वेबसाईटनुसार आज गुरुवारी दिल्लीत २२ कॅरेट सोने ४९८६० रुपये असून २४ कॅरेटचा भाव ५४३९० रुपये आहे. कोलकात्यात २२ कॅरेट सोने ५०१८० रुपये असून २४ कॅरेटचा भाव ५२८८० रुपये आहे. चेन्नईत २२ कॅरेटचा भाव ४९२०० रुपये असून २४ कॅरेटचा भाव ५३७६० रुपये आहे. मुंबईत २२ कॅरेट सोन्याचा भाव ५०४१० रुपये आहे. २४ कॅरेटचा भाव ५१४१० रुपये आहे. चांदीचा भाव एक किलोसाठी ६७५३० रुपये आहे.
जागतिक कमॉडिटी बाजारात सोन्याचा भाव १९५२ डॉलर प्रती औंस आहे. चांदीचा भाव ०.९ टक्के घसरला असून तो प्रती औंस २७.३० डॉलर आहे. डॉलर इंडेक्समध्ये ०.२ टक्क्यांची घसरण झाली आहे. बुधवारी कमाॅडिटी बाजारात सोने ९०० रुपयांनी वधारले होते.