✍️ महाराष्ट्र २४ | विशेष प्रतिनिधी | दि. ५ नोव्हेंबर २०२५ | एशिया कप २०२५ फायनलनंतर मैदानावर गाजलेलं “Jet सेलिब्रेशन” आता पाकिस्तानच्या हारिस रौफला महागात पडलं आहे. आयसीसीने शिस्तभंग केल्याबद्दल रौफवर दोन सामन्यांची बंदी आणि दंड ठोठावला आहे. इतकंच नव्हे, तर भारतीय कर्णधार सूर्यकुमार यादव आणि जसप्रीत बुमराहलाही आयसीसीने दंड केला आहे.
🔹 रौफची शिक्षा
पाकिस्तानचा वेगवान गोलंदाज हारिस रौफला भारताविरुद्ध दोन वेगवेगळ्या घटनांमध्ये प्रत्येकी 30% सामना शुल्क दंड आणि दोन डिमेरिट गुण मिळाले आहेत. याशिवाय त्याला दक्षिण आफ्रिकेविरुद्धच्या आगामी दोन सामन्यांसाठी बंदी घालण्यात आली आहे.
🔹 सूर्यकुमारलाही दंड
फायनलमध्ये ट्रॉफी स्वीकारताना एसीसी अध्यक्ष मोहसिन नकवी यांच्याकडून विजेती ट्रॉफी घेण्यास सूर्यकुमार यादवने नकार दिला होता. या कृतीमुळे “खेळाची प्रतिमा मलिन केली” म्हणून आयसीसीने त्याला सामना शुल्काच्या 30% रकमेचा दंड केला आहे.
🔹 बुमराहलाही डिमेरिट गुण
जसप्रीत बुमराहच्या खात्यात एक डिमेरिट गुण जोडण्यात आला आहे. मात्र अर्शदीप सिंग आणि साहिबजादा फरहान यांना निर्दोष सोडण्यात आलं.
💥 नेमकं घडलं काय होतं?
भारत विरुद्ध पाकिस्तान फायनलमध्ये हारिस रौफने भारतीय प्रेक्षकांना उद्देशून “जेट फ्लाईट” सेलिब्रेशन केलं होतं. भारतीय चाहत्यांनी याला “राफेल डिवचणी” असं नाव दिलं. पण काही मिनिटांतच बुमराहने रौफला यॉर्करवर बाद करून त्याचं उत्तर दिलं — “प्लेन क्रॅश” सेलिब्रेशन करून! सोशल मीडियावर हा क्षण प्रचंड व्हायरल झाला होता.
🛫 “राफेल कनेक्शन” म्हणजे काय?
पाकिस्तानने एप्रिल महिन्यात झालेल्या संघर्षानंतर भारताचं राफेल जेट पाडल्याचा दावा केला होता. मात्र कोणताही पुरावा देण्यात त्यांना अपयश आलं. याच पार्श्वभूमीवर मैदानावर झालेली ही “जेट वॉर” चाहत्यांसाठी नव्या चर्चेचा विषय ठरली होती.
📘 डिमेरिट गुण म्हणजे काय?
आयसीसीच्या आचारसंहितेनुसार, खेळाडूने वर्तनभंग केल्यास Demerit Points दिले जातात. चार गुणांपर्यंत पोहोचल्यास खेळाडूवर एक टेस्ट किंवा दोन मर्यादित षटकांच्या सामन्यांसाठी बंदी लागू शकते.