✍️ महाराष्ट्र २४ | विशेष प्रतिनिधी | दि. ५ नोव्हेंबर २०२५ | लग्नसराईच्या पार्श्वभूमीवर सोन्याच्या बाजारातून आलेली ही बातमी ग्राहकांसाठी सुवर्णसंधीपेक्षा कमी नाही! मागील काही दिवसांपासून वाढलेल्या सोन्याच्या भावाला आता ब्रेक लागला असून बुधवारी पुन्हा एकदा दरात मोठी घसरण झाली आहे.
मुंबई, पुणे, जळगावपासून ते दिल्ली, चेन्नई आणि कोलकात्यापर्यंत सर्वत्र सोन्याचा भाव खाली आला आहे. आज प्रति ग्रॅम सोनं तब्बल ₹७१ ने स्वस्त झालं असून, प्रति तोळा किंमत जवळपास ₹७०० ने घसरली आहे.
🔸 लग्नसराईत ‘सोन्याचा’ दिलासा
अलीकडे सोन्याच्या दराने नवे उच्चांक गाठले होते. त्यामुळे लग्नात सोने खरेदी करायचे की थांबायचं, असा प्रश्न अनेक कुटुंबांना पडला होता. मात्र, आता दरात आलेली घसरण ग्राहकांसाठी मोठा दिलासा घेऊन आली आहे.
💎 आजचे सोन्याचे दर (५ नोव्हेंबर २०२५)
२४ कॅरेट सोनं: ₹१२,२४६ प्रति ग्रॅम (मंगळवारी ₹१२,३१७)
२२ कॅरेट सोनं: ₹११,२२८ प्रति ग्रॅम (सुमारे ₹६५ ने घसरले)
१८ कॅरेट सोनं: ₹९,१८५ प्रति ग्रॅम (सुमारे ₹५४ ने घसरले)
म्हणजेच सोन्याचे भाव एका दिवसात सातत्याने घसरत आहेत.
🪙 चांदीतही घसरण
फक्त सोनंच नव्हे तर चांदीच्याही भावात घट झाली आहे. मंगळवारी चांदीचा दर प्रति किलो ₹१,५४,००० होता, तर आज तो कमी होऊन ₹१,५१,००० झाला आहे — म्हणजेच थेट ₹३,००० ची घसरण!
✨ ग्राहकांसाठी चांगली संधी
सोनं आणि चांदी दोन्ही स्वस्त झाल्याने लग्नसराईत दागिन्यांच्या खरेदीसाठी ही उत्तम वेळ ठरू शकते. सराफा बाजारात आज पुन्हा खरेदीचा उत्साह दिसून येत आहे.