✍️ महाराष्ट्र २४ | विशेष प्रतिनिधी | दि. ६ नोव्हेंबर २०२५ | पिंपरी | आगामी स्थानिक स्वराज्य संस्था निवडणुका डोअरस्टेपवर येऊन ठेपल्या असताना, भारतीय जनता पक्षाने मोठा राजकीय निर्णय घेतला आहे.पिंपरी चिंचवड या रणनीतिक दृष्ट्या महत्त्वाच्या शहरातील निवडणुकीची संपूर्ण जबाबदारी चिंचवड विधानसभा मतदारसंघाचे आमदार शंकर जगताप यांच्याकडे सोपविण्यात आली आहे.
प्रदेशाध्यक्ष रवींद्र चव्हाण आणि उपमुख्यमंत्री देवेंद्र फडणवीस यांच्या मार्गदर्शनाखाली पक्षाने जिल्हा निवडणूक प्रमुख आणि प्रभारींच्या नियुक्त्या जाहीर केल्या.यात पिंपरी चिंचवडसाठी आमदार जगताप यांच्यावर विश्वास दाखवत कमान त्यांच्याकडे देण्यात आली आहे.
💠 लक्ष्मण जगतापांची परंपरा, शंकर जगतापांकडे पुढील रणनिती
पिंपरी चिंचवडचा गड एकेकाळी राष्ट्रवादी काँग्रेसचा बालेकिल्ला होता. मात्र स्वर्गीय आमदार लक्ष्मण जगताप यांनी तो भाजपच्या झेंड्याखाली आणला. २०१७ मध्ये त्यांच्या नेतृत्वाखाली भाजपने महापालिकेत तब्बल ७७ नगरसेवकांची निवड करून इतिहास रचला. आज त्या वारशाचा धागा पुढे नेत शंकर जगताप यांच्याकडे आगामी निवडणुकीची सूत्रं आली आहेत.
⚙️ संघटन, नियोजन आणि कार्यकर्त्यांची मोट – जगतापांची ओळख
शहराध्यक्षपदाचा अनुभव, संघटन कौशल्य आणि व्यवस्थापनातील पकड, ही जगताप यांची जमेची बाजू मानली जाते.
१२८ नगरसेवकांच्या लढतीसाठी पक्षाचे मायक्रो प्लॅनिंग, कार्यकर्त्यांचे नेटवर्क आणि प्रचारयोजना त्यांच्या नेतृत्वाखाली आखली जाणार आहे.
🗣️ आमदार जगताप यांची प्रतिक्रिया
“पक्ष नेतृत्वाने माझ्यावर दाखवलेला विश्वास माझ्यासाठी सन्मानाची बाब आहे.हा विश्वास सार्थ ठरेल याची मी ग्वाही देतो. ‘मायक्रो प्लॅनिंग’, कार्यकर्त्यांचे संघटन आणि पदाधिकाऱ्यांच्या सहकार्यानेभाजपच्या जनकल्याणकारी योजना प्रत्येक नागरिकांपर्यंत पोहोचविण्यासाठी मी अखंडपणे कार्यरत राहीन,”असे आमदार शंकर जगताप यांनी सांगितले.
🌸 भाजपचा विश्वास – ‘विकसित शहरात पुन्हा कमळ फुलवणार’
पिंपरी चिंचवड ही राज्यातील जलदगतीने विकसित होणारी शहरे मानली जातात. या शहराच्या पुढील पन्नास वर्षांच्या नियोजनात भाजपने ‘विकसित शहर, सक्षम नेतृत्व’ ही भूमिका मांडली आहे. त्या दृष्टीने उच्च शिक्षित, जमिनीवरचे आणि संघटनेतून घडलेले नेतृत्व — शंकर जगताप यांच्याकडे जबाबदारी देऊन पक्षाने विश्वासाची मोहर उमटवली आहे.
थोडक्यात:
🟠 भाजपची निवडणूक तयारी अंतिम टप्प्यात
🟠 शंकर जगताप यांच्याकडे पिंपरी चिंचवडची कमान
🟠 १२८ उमेदवारांची रणनिती ठरवणार जगताप टीम
🟠 संघटनशक्ती, नियोजन आणि जनसंपर्क मोहिमेवर भर