🆕 Aadhaar App: आधारचे नवे अ‍ॅप लॉंच! मोबाईलमध्येच होतील सगळी कामे, जाणून घ्या खास फीचर्स

✍️ महाराष्ट्र २४ | विशेष प्रतिनिधी | दि. ११ नोव्हेंबर २०२५ || आधार कार्ड हे प्रत्येक भारतीय नागरिकासाठी अत्यावश्यक ओळखपत्र आहे. मात्र, नाव, पत्ता किंवा इतर तपशीलांमध्ये चुका झाल्यास त्यात दुरुस्ती करण्यासाठी नागरिकांना पोस्ट ऑफिस किंवा आधार केंद्रात जाऊन रांगा लावाव्या लागतात. आता या त्रासातून दिलासा मिळणार आहे.

👉 यूनीक आयडेंटिफिकेशन अथॉरिटी ऑफ इंडिया (UIDAI) यांनी नवीन आधार मोबाईल अ‍ॅप लाँच केले असून, याच्या मदतीने नागरिकांना घरबसल्या अनेक सेवा घेता येणार आहेत.

📱 हे नवे Aadhaar App आता Google Play Store आणि Apple App Store वर मोफत डाउनलोडसाठी उपलब्ध आहे.

🔐 अ‍ॅपची प्रमुख वैशिष्ट्ये
डिजिटल आधार कार्ड सुरक्षित साठवण: तुमचा आधार कार्ड आता स्मार्टफोनमध्ये डिजिटल स्वरूपात सेव्ह करता येईल.
मल्टी-प्रोफाइल फीचर: एका मोबाईलमध्ये पाच सदस्यांचे आधार प्रोफाइल्स जोडता येतील (जर सर्वांचे मोबाइल नंबर एकच असतील).
फेस लॉक आणि बायोमेट्रिक लॉक: डेटा आणि प्रायव्हसीसाठी वाढीव सुरक्षा.
सिलेक्टिव्ह डेटा शेअरिंग: फक्त आवश्यक माहिती शेअर करता येईल.
QR कोड पडताळणी: सहज ओळख तपासणीसाठी QR स्कॅन सुविधा.
ऑफलाइन अ‍ॅक्सेस: इंटरनेट नसतानाही काही सेवा वापरता येतील.
यूसेज हिस्ट्री मॉनिटरिंग: तुमचा डेटा केव्हा आणि कुठे वापरला गेला हे पाहता येईल.

⚙️ सेटअप कसा कराल?
Google Play Store किंवा Apple App Store वरून Aadhaar App डाउनलोड करा.
अ‍ॅप उघडून १२ अंकी आधार क्रमांक टाका.
तुमच्या मोबाईलवर आलेल्या OTP ने व्हेरिफिकेशन करा.
फेस स्कॅन ऑथेंटिकेशन पूर्ण करा.
सहा अंकी सिक्युरिटी PIN सेट करा — आणि काम पूर्ण!

💬 UIDAI नुसार, या नव्या अ‍ॅपमुळे नागरिकांना आधारसंबंधित कामांसाठी केंद्रात जाण्याची गरज उरणार नाही. डिजिटल भारताच्या दिशेने हे एक मोठं पाऊल ठरेल.