✍️ महाराष्ट्र २४ | विशेष प्रतिनिधी | दि. १६ नोव्हेंबर २०२५ | कार्तिकी यात्रेतील उत्पत्ती एकादशी निमित्त आळंदीतील संत ज्ञानेश्वर महाराज संजीवन समाधी मंदिर परिसर वारकरी भक्तांनी गजबजून गेला. सुमारे तीन लाखांहून अधिक वारकऱ्यांनी माउलींच्या गजरात अलंकापुरी दुमदुमून टाकली. इंद्रायणी काठ वारकरी भक्तांनी अक्षरशः फुलून गेला.
🔹 पहाट पूजेचा मान ठाणेतील वारकरी दाम्पत्याला
या वर्षीच्या पहाट पूजेचा मान ठाणे येथील वारकरी दाम्पत्यास मिळाला. देवस्थानतर्फे त्यांचा सत्कार करण्यात आला.
🔹 दिंडी, प्रदक्षिणा आणि भक्तिरसात न्हाऊन निघालेला आळंदी
टाळ, मृदंग, विणांच्या नादात ग्रामदिंडी प्रदक्षिणा
इंद्रायणी नदीत स्नानासाठी भक्तांची गर्दी
मंदिर परिसरात विद्युत रोषणाई आणि फुलांच्या सजावटीने आकर्षक वातावरण
‘ज्ञानोबा माउली तुकाराम’च्या जयघोषात नगरप्रदक्षिणा
वारकरी पताका, तुळशीवृंदावन, मृदंगाच्या तालावर पारंपरिक सांप्रदायिक खेळाचा आनंद लुटत होते. टाळ-मृदंगाच्या नादाने संपूर्ण अलंकापुरी भक्तिरसात रंगून गेली होती.
🔹 मंदिरात अभिषेक व प्रसाद वितरण
माउलींच्या गाभाऱ्यात पंचामृत अभिषेक आणि आरती झाली. परंपरेप्रमाणे मानकरी, पदाधिकारी आणि अधिकारी यांना देवस्थानतर्फे प्रसाद वाटप करण्यात आले.
🔹 मान्यवरांची उपस्थिती
पहाट पूजेस अनेक मान्यवर उपस्थित होते. त्यात आमदार बाबाजी काळे, प्रमुख विश्वस्त योगी निरंजननाथ, अॅड. राजेंद्र उमाप, डॉ. भावार्थ देखणे, विविध देवस्थानचे विश्वस्त, मानकरी तसेच आळंदी पोलीस ठाण्याचे वरिष्ठ अधिकारी आदींचा समावेश होता.
🔹 लाखो वारकऱ्यांनी घेतले समाधीचे दर्शन
लाखो भक्तांनी माउलींच्या समाधीचे दर्शन घेतले.
पुणे जिल्हा सत्र न्यायाधीश महेंद्र महाजन यांनीही दर्शन घेऊन यात्रेचा आढावा घेतला. देवस्थानतर्फे त्यांचा सत्कार झाला. मारुती देवस्थान व विश्वस्त मंडळाने दर्शन व्यवस्थेची प्रभावी तयारी केली.