✍️ महाराष्ट्र २४ | विशेष प्रतिनिधी | दि. १७ नोव्हेंबर २०२५ | राज्यात उत्तरेकडून येणाऱ्या थंड वाऱ्यांच्या प्रवाहामुळे थंडीचा कडाका दिवसेंदिवस वाढत चालला आहे. पहाटे धुक्याची चादर, दवबिंदूंनी भरलेली हवा आणि सकाळपर्यंत जाणवणारी हुडहुडी — यामुळे अनेक भागात किमान तापमान दहाच्या खालपर्यंत घसरले आहे.
हवामान विभागाने उत्तर महाराष्ट्र आणि मराठवाड्यासाठी उद्या (ता. १७ नोव्हेंबर) ‘येलो अलर्ट’ जारी केला आहे. उर्वरित राज्यातही गारठा लक्षणीय वाढण्याचा अंदाज वर्तवला आहे.
राज्यभरातील तापमानात मोठी घसरण
रविवारी निफाड येथील गहू संशोधन केंद्र आणि धुळे कृषी महाविद्यालय येथे राज्यातील नीचांकी ८°C तापमानाची नोंद झाली.
परभणी कृषी विद्यापीठात किमान तापमान ८.५°C, तर जेऊर, गोंदिया, भंडारा येथे तापमान १०°C च्या आसपास राहिले.
जळगाव, नाशिक, नागपूर, मालेगाव, वर्धा, यवतमाळ आदी भागांत तापमान ११°C पेक्षा कमी नोंदवले गेले.
हवामानशास्त्रानुसार—
👉 किमान तापमान १०°C च्या खाली
आणि
👉 नेहमीपेक्षा ४.५°C पेक्षा अधिक घट
असली तर ‘थंडीची लाट’ मानली जाते.
त्या निकषानुसार मध्य महाराष्ट्र, मराठवाड्यानंतर आता विदर्भातील काही भागातही थंडीची लाट पसरली आहे.
येलो अलर्ट असलेले जिल्हे
नंदुरबार
धुळे
जळगाव
नाशिक
छत्रपती संभाजीनगर
जालना
बीड
परभणी
हिंगोली
नांदेड
थंडीची सर्वाधिक नोंद (अंश सेल्सिअस)
धुळे – 8°C
निफाड – 8°C
परभणी (कृषी) – 8.5°C
जेऊर – 9°C
गोंदिया – 9.6°C
भंडारा – 10°C
पुण्यात थंडीने जोर धरला
गेल्या दोन दिवसांत पुण्यात किमान तापमानात मोठी घसरण झाली असून शहरात गारठा लक्षणीय वाढला आहे. हवेली आणि माळीण येथे तापमान 10°C पेक्षा खाली गेले.
हवेली – 8.6°C
माळीण – 9.9°C
पाषाण – 10.1°C
शिवाजीनगर – 10.6°C
IMD नुसार, पुढील 24 तास पुण्यात तापमान स्थिर राहील —
👉 कमाल तापमान : 29°C
👉 किमान तापमान : 11°C
मंगळवारपासून किमान व कमाल तापमानात किंचित वाढ होण्याचा अंदाज आहे.
पुणे जिल्ह्यातील तापमान (अंश °C)
स्थान तापमान
हवेली 8.6
माळीण 9.9
पाषाण 10.1
तळेगाव 10.5
शिवाजीनगर 10.6
बारामती 10.5
दौंड 11.1
आंबेगाव 11.7
कुरवंडे 13.1
भोर 13.7
गिरिवन 14.6
कोरेगाव पार्क 14.7
चिंचवड 15.3
लवळे 16.4
वडगाव शेरी 16.6