✍️ महाराष्ट्र २४ | विशेष प्रतिनिधी | दि. २० नोव्हेंबर २०२५ – बॉलिवूडचे दिग्गज अभिनेते धर्मेंद्र यांच्या आरोग्याबाबतची मोठी माहिती समोर आली आहे. वयोमानानुसार उद्भवलेल्या समस्यांमुळे काही दिवसांपूर्वी त्यांना रुग्णालयात दाखल करण्यात आले होते. मात्र आता त्यांना डिस्चार्ज देण्यात आला असून ते घरी उपचार घेत आहेत. देओल कुटुंबीय त्यांची विशेष काळजी घेत आहेत. चाहतेही त्यांच्या लवकर बरे होण्यासाठी प्रार्थना करत आहेत.
“आधीपेक्षा बरे वाटत आहे” — सूत्रांची माहिती
एनडीटीव्हीला दिलेल्या माहितीनुसार, “धर्मेंद्र यांना आता आधीपेक्षा बरे वाटत आहे. ते ठीक असून प्रकृतीमध्ये सातत्याने सुधारणा होत आहे.”
धर्मेंद्र रुग्णालयात असताना त्यांच्या निधनाच्या खोट्या अफवा सोशल मीडियावर पसरल्या होत्या. त्यानंतर पत्नी हेमा मालिनी आणि मुलगी ईशा देओल यांनी ११ नोव्हेंबर रोजी निवेदन जारी करून त्या अफवांना फेटाळले आणि धर्मेंद्र उपचार घेत असल्याची पुष्टी केली.
देओल कुटुंबाचे अधिकृत निवेदन
डिस्चार्जनंतर कुटुंबीयांनी एक निवेदन जारी करत लिहिले— “धर्मेंद्र रुग्णालयातून घरी परतले असून विश्रांती घेत आहेत.” “खोट्या अफवा पसरवू नये आणि कुटुंबाच्या खासगीपणाचा आदर करावा.” “धर्मेंद्र यांच्या चांगल्या आरोग्यासाठी मिळालेल्या प्रेम, प्रार्थना आणि शुभेच्छांसाठी आम्ही सर्वांचे आभारी आहोत.”
डिसेंबरमध्ये ९०वा वाढदिवस
या सर्व घडामोडींमध्ये एक आनंदाची बाब अशी की, धर्मेंद्र डिसेंबर महिन्यात आपला ९०वा वाढदिवस साजरा करणार आहेत. सूत्रांनी दिलेल्या माहितीनुसार,
“देव कृपा ठेवली तर पुढील महिन्यात आम्ही धर्मजी आणि ईशा दोघांचेही वाढदिवस साजरे करू.”
वर्कफ्रंट
धर्मेंद्र लवकरच ‘इक्कीस’ या चित्रपटात झळकणार आहेत. या चित्रपटात अमिताभ बच्चन यांचा नातू अगस्त्य नंदा मुख्य भूमिकेत दिसणार आहे.