✍️ महाराष्ट्र २४ | विशेष प्रतिनिधी | दि. २४ नोव्हेंबर २०२५ | लाडकी बहीण योजनेत सरकारने eKYC अनिवार्य केल्यामुळे मोठा बदल घडणार आहे. eKYC न केलेल्या लाभार्थींना योजनेचा लाभ मिळणार नाही. शिवाय eKYCदरम्यान निकषांमध्ये न बसणाऱ्या महिलांचे ₹१५०० चे मासिक अनुदान कायमचे बंद करण्यात येणार आहे.
वार्षिक उत्पन्न महत्त्वाचा निकष
eKYCमधून महिला तसेच त्यांच्या पती किंवा वडिलांचे उत्पन्न, वय आणि सर्व कागदपत्रांची पडताळणी होणार आहे.
— वार्षिक उत्पन्न २.५ लाखांपेक्षा जास्त असल्यास त्या महिलांचा लाभ तात्काळ बंद केला जाईल.
— ही माहिती eKYC दरम्यान स्वयंचलितपणे सिस्टममध्ये उघडकीस येणार आहे.
३१ डिसेंबरपर्यंत eKYC अनिवार्य
लाडकी बहीण योजनेचे लाभार्थी महिलांनी ३१ डिसेंबरपूर्वी eKYC पूर्ण करणे बंधनकारक आहे. या मुदतीनंतर नोंदणी न केलेल्या किंवा पात्रता पूर्ण न करणाऱ्या महिलांचे अनुदान बंद होईल.
५२ लाख महिला अपात्र — आधीच लाभ बंद
योजनेत आतापर्यंत अडीच कोटींपेक्षा अधिक महिलांनी नोंदणी केली आहे. त्यापैकी
✔ ५२ लाख महिला निकषांबाहेर असल्याचे आढळले
✔ त्यांचा लाभ आधीच रद्द करण्यात आला आहे.
eKYC डेटा ‘आयकर विभागाला’ पाठवला जाणार
eKYC पूर्ण झाल्यानंतर मिळालेली सर्व माहिती प्राप्तिकर विभागाकडे पडताळणीसाठी पाठवली जाईल.
तपासणीत उत्पन्न २.५ लाखांपेक्षा जास्त असल्याचे सिद्ध झाल्यास त्या लाभार्थींना लाडकी बहीण योजनेचा लाभ कायमचा बंद होणार आहे.