✍️ महाराष्ट्र २४ | विशेष प्रतिनिधी | दि. २८ नोव्हेंबर २०२५ | एक वादळ संपलं, असं वाटतं तर… दुसरं वादळ दारात उभं!देशभर हवामानाचा रोलर-कोस्टर सुरूच आहे. दिल्ली–एनसीआरपासून हिमाचल, पंजाब, काश्मीरपर्यंत किमान आणि कमाल तापमानाच्या चढ-उतारानं नागरिक हैराण. हवामान विभागानंही पुढील काही दिवस हीच अनिश्चितता कायम राहण्याचा इशारा दिला आहे.
महाराष्ट्रात ढगाळ वातावरण संपणार; तापमानाचा फेरफटका सुरूराज्यात सध्या ढगाळ वातावरण टिकून असलं तरी पुढील काही तासांत ही स्थिती बदलू शकते. मुंबई, ठाणे, कोकण किनारपट्टी — हवेत आर्द्रता वाढलेली, विदर्भ, मराठवाडा — तापमानात काही अंशांची घट शक्य , दिवसाची उष्णता कायम, रात्री- पहाटेची गारवा-जाणीव पुन्हा तीव्र
हवामान विभागाच्या अंदाजानुसार पुढील ५ दिवस तापमानात मोठा बदल नाही, पण किमान तापमानात २–३ अंशांची घट जाणवू शकते.
मुंबईचा अंदाज
आकाश : निरभ्र
कमाल तापमान : ३३°C
किमान तापमान : २३°C
सातारा–कोल्हापूर–पुणे घाटप्रदेशात धुक्याची चादर दिसू शकते.
गिरिस्थानांवर रात्री तापमान आणखी घसरणार.
आता दुसऱ्या वादळाची चाहूल!
दक्षिण पश्चिम बंगालचा उपसागर आणि श्रीलंका किनारपट्टीवर तयार होणाऱ्या तीव्र कमी दाबाच्या पट्ट्यानं पुढील काही तासांत परिस्थिती चक्रवादळात रुपांतरित होऊ शकते.
याचा परिणाम थेट—
तामिळनाडू
आंध्र प्रदेश
केरळ
पुद्दुचेरी
या राज्यांवर होणार असून २७ नोव्हेंबर ते १ डिसेंबर दरम्यान जोरदार पाऊस, वादळी वारे आणि किनारपट्टी भागात सतर्कता जारी करण्यात आली आहे.
एकंदरीत काय?
देशभर थंडीचा कडाका वाढण्याची चाहूल,दक्षिणेकडे वादळाचं सावट, आणि महाराष्ट्रात तापमानाचा खेळ…
हवामान विभागाचा इशारा स्पष्ट —“तयार राहा, हवामानाचा मूड कधीही बदलू शकतो!”