✍️ महाराष्ट्र २४ | विशेष प्रतिनिधी | दि. २८ नोव्हेंबर २०२५ | “मालवणचा मुद्दा तापला — पैसा ‘व्यवसायाचा’ म्हणणाऱ्यांनी आता पुरावे दाखवायलाच हवेत!” मालवणमध्ये झालेल्या स्टिंग ऑपरेशननंतर 24 तास उलटून गेले… पण ना पोलीस हलले, ना निवडणूक आयोगाने तोंड उघडले. एफआयआरदेखील नाही — वातावरण मात्र अक्षरशः खदखदतंय.
निलेश राणेंचा सवाल एकदम रोखठोक:
“पैसा व्यवसायाचा होता? मग खरेदी-विक्री कुठली? कोणाचे व्यवहार? जीएसटी नंबर, आयटी एंट्री, पावत्या — सगळं दाखवल्याशिवाय सुटका नाही!
फक्त ‘व्यवसायाचा पैसा’ म्हणणं म्हणजे गोष्ट गोड करणं — पुराव्याशिवाय नाही चालणार.”
राजकारणातला तिखट वास वाढताच प्रतिक्रिया देखील उलट्या दिशेने धावल्या— भाजपकडून प्रतिहल्ला: “घरात पैसे होते म्हणून एखाद्याच्या बेडरूमपर्यंत कॅमेरा नेणं योग्य नाही.”
तर दुसरीकडे नितेश राणेंचा आपल्या मित्रासाठी पाठींबा:“व्यवसाय करणाऱ्यांच्या घरात पैसा येतोच— यात चुकीचं काय?”
मात्र निलेश राणेंनी धागा पुन्हा घट्ट पकडला—“बोलून भागणार नाही… पुरावे टेबलावर हवेत!”
राजकीय तापमान मालवणच्या वाऱ्यापेक्षा जास्त वेगाने वाढतंय.वाद संपेल की अजून बोंबाबोंब होईल — पुढील घडामोडी निर्णायक!