🌪️ पावसाचा रेड अलर्ट ! चक्रीवादळ दितवाह समुद्रात धुमाकूळ घालतंय; महाराष्ट्र किती सुरक्षित?

Spread the love

✍️ महाराष्ट्र २४ | विशेष प्रतिनिधी | सोमवार १ डिसेंबर | दक्षिण समुद्रावर उभं राहिलेलं ‘दितवाह’ चक्रीवादळ आता समुद्रात फिरणाऱ्या रौद्र वाऱ्यांमधून सरळ अतीतीव्र कमी दाबाच्या क्षेत्रात घुसलं आहे. चेन्नई हवामान केंद्रानं दिलेल्या अपडेटनुसार वादळ तामिळनाडू–पुद्दुचेरी किनाऱ्यापासून फक्त 20 किमीवर, आणि पुढील २४ तासांसाठी परिस्थिती तणावपूर्ण. किनारपट्टीवर धोका वाढला, आणि जनजीवनाचा तोल पूर्णपणे बिघडला.

⚠️ दक्षिण भारतात कहर!

उत्तर तामिळनाडूवर मुसळधार पावसाची संततधार, रस्ते–घरे पाण्यात, वाहतूक ठप्प. आंध्र प्रदेशात सुरक्षिततेसाठी ३७५ गर्भवती महिलांची स्थलांतर, तर तामिळनाडूमध्ये तीन जणांचा मृत्यू—वादळाचं गांभीर्य यातूनच स्पष्ट. आयएमडीनं तामिळनाडू, पुद्दुचेरी आणि दक्षिण आंध्र प्रदेशला रेड अलर्ट देत वारे, लाटा आणि वादळाची तीव्रता याबाबत कठोर चेतावणी जारी केली आहे.

🌧️ महाराष्ट्रावर काय परिणाम?

हे वादळ महाराष्ट्रापासून बरंच दूर असलं, तरीही अरबी समुद्रात प्रचंड लाटा, कोकण किनारपट्टीवर खवळलेलं वातावरण आणि विदर्भात ढगाळ वातावरणासह पावसाची शक्यता कायम. दरम्यान वादळ पुढील २४ तासांत आणखी तीव्र होऊ शकतं, आणि वाऱ्यांचा वेग ६० ते ९० किमी प्रतितास जाईल, असा आयएमडीचा अंदाज. पुढील एक दिवस संपूर्ण दक्षिण किनारपट्टीसाठी ‘अतिदक्षतेचा’ काळ ठरणार आहे.