🚀 भारतीय उद्योजकांना एलॉन मस्कचा अजब सल्ला! “पैशामागे धावू नका… काम इतकं उत्तम करा की पैसा तुमच्यामागे धावेल!”

✍️ महाराष्ट्र २४ | विशेष प्रतिनिधी | सोमवार १ डिसेंबर | जगात सर्वात श्रीमंत मानल्या जाणाऱ्या एलॉन मस्ककडून भारतीय उद्योजकांसाठी थेट धडा—पैशांचं गणित समजून घ्यायचं असेल, तर आधी कामाच्या गुणवत्तेकडे पाहा! निखिल कामथ यांच्या ‘पीपल ऑफ डब्ल्यूटीएफ’ पॉडकास्टमध्ये ते बोलत होते. गडगंज पैसा कमावण्याचं स्वप्न पाहणाऱ्या लोकांचा ते आदर करतात… पण त्यांना सांगतात—“कमाईपेक्षा मनाची श्रीमंती महत्त्वाची.”

💡 “पैशांचा शोध म्हणजे आनंदाचा शोध नाही!”
मस्क म्हणाले, उद्योजकांनी समाजासाठी काहीतरी उपयोगाचं निर्माण केलं पाहिजे. दर्जेदार उत्पादन दिलं, चांगली सेवा दिली… तर नफा तुमच्या मागे येणारच. कामावर लक्ष, गुणवत्तेवर भर, आणि मेहनत—हे तीन घटक जमले की पैसा हा साइड इफेक्ट बनतो, असं त्यांचं स्पष्ट मत.

Out now @elonmusk pic.twitter.com/dQVLniUgWA

— Nikhil Kamath (@nikhilkamathcio) November 30, 2025

🔧 “अपयश येईल… पण लक्ष विचलित होऊ देऊ नका!”
कामथ यांच्याशी संवादात मस्क यांनी सांगितलं—प्रत्येक स्टार्टअपचा प्रवास खडतर असतो, अपयश जवळच उभं असतं. पण ज्यांचं लक्ष स्वतःच्या योगदानावर आणि त्यातून मिळणाऱ्या समाधानावर असतं, तेच खरी कमाई करतात. याच मुलाखतीत त्यांनी भारतीयांचा अमेरिकन इकोसिस्टीममधील मोठा वाटा, एच-1बी व्हिसा, एआय आणि रोबोटिक युगाचं भविष्य—या सगळ्यांवरही भाष्य केलं.