✍️ महाराष्ट्र २४ ।। ऑनलाईन ।। विशेष प्रतिनिधी ।। दि. १० मार्च २०२६ ।। सराफा बाजारात सोन्याच्या दरांची घोडदौड सुरूच असून ग्राहकांच्या खिशावर त्याचा मोठा परिणाम होताना दिसत आहे. गेल्या काही दिवसांपासून सातत्याने वाढणाऱ्या सोन्याच्या किमतींनी आज पुन्हा नवा टप्पा गाठला आहे. मंगळवार, १० मार्च २०२६ रोजी भारतीय बाजारात सोन्याच्या दरात वाढ नोंदवली गेली असून चांदीच्या किमतीतही बदल पाहायला मिळत आहे. त्यामुळे गुंतवणूकदार आणि दागिने खरेदी करणाऱ्या ग्राहकांचे लक्ष पुन्हा सराफा बाजाराकडे लागले आहे.
बुलियन मार्केटच्या माहितीनुसार, आज देशात १० ग्रॅम २४ कॅरेट सोन्याचा दर १,६२,७२० रुपयांवर पोहोचला आहे. तर २२ कॅरेट सोन्याची किंमत १० ग्रॅमसाठी १,४९,१६० रुपये इतकी आहे. चांदीच्या किमतीतही वाढ दिसून येत असून १ किलो चांदीचा दर २,७६,६४० रुपये नोंदवला गेला आहे. त्याचप्रमाणे १० ग्रॅम चांदीचा दर सुमारे २,७६६ रुपये आहे. उत्पादन शुल्क, राज्य कर आणि मेकिंग चार्ज यामुळे दागिन्यांच्या अंतिम किमतीत शहरानुसार फरक पडतो.
राज्यातील प्रमुख शहरांमध्येही सोन्याचे दर जवळपास सारखेच आहेत. मुंबई, पुणे, नागपूर आणि नाशिकमध्ये २२ कॅरेट सोन्याचा दर १० ग्रॅमसाठी सुमारे १,४८,८१२ रुपये आहे. तर २४ कॅरेट सोन्याचा दर १,६२,३४० रुपये इतका आहे. हे दर सूचक असून त्यात जीएसटी, टीसीएस आणि इतर करांचा समावेश नसतो. त्यामुळे अचूक दर जाणून घेण्यासाठी स्थानिक सराफा दुकानदारांकडून माहिती घेण्याचा सल्ला दिला जात आहे.