महाराष्ट्र २४ । विशेष प्रतिनिधी । दि. ४ ऑगस्ट । सोनेखरेदी करणाऱ्यांसाठी (Gold Price) चांगली बातमी आहे. सोन्यामध्ये सातत्याने घसरण होत आहे. आज बुधवारी (4 August 2021) सोन्यामध्ये (Gold Price Today) काही विशेष मागणी पाहायला मिळाली नाही. सोन्यामध्ये व्यवहार स्थिर राहिला आहे. भारतीय वायदे बाजारात अलीकडेच कमजोरीची परिस्थिती निर्माण झाल्याने सोन्याचे दरही कमी होताना दिसत आहेत. मल्टि कमोडिटी एक्सचेंजवर (MCX Multi Commodity Exchange) सोन्याची वायदे किंमत ₹47935 प्रति तोळावर ट्रे़ड करत आहे. तर चांदीची वायदे किंमत 0.34% ने वाढून ₹68145 प्रति किलो झाली आहे.
वेबसाइट गुड रिटर्न्सच्या मते, बुधवारी 22 कॅरेट सोन्याचे दर 420 रुपयांनी कमी झाल्यामुळे 46,960 रुपये प्रति तोळावर पोहोचले आहेत. तर चांदी कालपेक्षा 250 रुपयांनी कमी झाली आहे. या घसरणीनंतर चांदीचे दर 67,600 रुपये प्रति किलोवर पोहोचले आहेत. प्रत्येक राज्यात उत्पादन शुल्क, राज्यातील कर आणि मेकिंग चार्जेनुसार सोन्याची किंमत वेगवेगळी असते. नवी दिल्लीमध्ये 47,050 रुपये प्रति तोळा दराने सोन्याची विक्री होत आहे. तर या वेबसाइटच्या मते मुंबईमध्ये दर 46,960 रुपये प्रति तोळा आहे. तर चेन्नईमध्ये हा दर 45,330 रुपये प्रति तोळा आहे.