महाराष्ट्र २४- ऑनलाईन : मुंबई : जास्त मागणीमुळे बुधवारी दिल्ली सराफा बाजारात सोन्याचे भाव 311 रुपयांनी वधारले. रुपयाच्या घसरणीमुळे सोनं प्रति दहा ग्रॅम 40,241 रुपये झाले. मंगळवारी सोन्याचा दर प्रति 10 ग्रॅम 39,930 रुपयांवर बंद झाला.
दिल्लीमध्ये 24 कॅरेट सोन्याची स्पॉट किंमत 311 रुपयांनी वाढली. आंतरराष्ट्रीय बाजारपेठेत मंगळवारी सोन्याच्या किंमतीत झालेल्या वाढीचा हा परिणाम मानला जातो. दिवसाच्या व्यापारात रुपया 13 पैशांनी कमी झालेला पाहायला मिळाला. यामुळे देशातील सोन्याच्या किंमतीतही वाढ झाली.
बुधवारी दिल्लीत सोन्याचा भाव प्रति १० ग्रॅमला ४० हजार २४१ रुपये, मुंबईत प्रति १० ग्रॅम ४० हजार ३७५ तर चेन्नईमध्ये ३९ हजार २२० रुपये आणि कोलकाता येथे ३८ हजार ६८० रुपये प्रति तोळा दराने विकले गेले.