महाराष्ट्र २४ । विशेष प्रतिनिधी । दि . ३ फेब्रुवारी । गेल्या २४ तासांत उत्तर-पश्चिम, मध्य आणि पूर्व भारतातील (India) बहुतांश भागात किमान तापमानाची नोंद करण्यात आली आहे. भारतीय हवामानशास्त्र विभागाने (IMD) बुधवारी यासंबंधी माहिती दिली. इतकंच नाहीतर उत्तर प्रदेशातील काही भागात आज कडाक्याची थंडी पडण्याची शक्यता वर्तवण्यात आली आहे. याशिवाय उत्तर-पश्चिम भारत, पूर्व आणि ईशान्य भारतात पावसाची शक्यता आहे.
बुधवारी IMD ने जारी केलेल्या प्रकाशनानुसार, ४ फेब्रुवारीपर्यंत पश्चिम हिमालयीन प्रदेशात हलका, मध्यम पाऊस किंवा बर्फवृष्टी होण्याची शक्यता आहे. आज हिमाचल प्रदेश आणि उत्तराखंडमध्ये ३ आणि ४ फेब्रुवारीला गारपीट होऊ शकते. या व्यतिरिक्त, ३ फेब्रुवारी रोजी हिमाचल प्रदेशात एकाकी मुसळधार पाऊस किंवा बर्फवृष्टी होऊ शकते. उत्तराखंडमध्येही ही परिस्थिती ३ आणि ४ फेब्रुवारीला तयार होऊ शकते. या हवामान बदलामुळे महाराष्ट्रासह अनेक जिल्ह्यांमध्येही थंडी वाढण्याची शक्यता आहे.
पंजाब, हरियाणा, चंदीगड, दिल्ली आणि उत्तर प्रदेशमध्ये ३ आणि ४ फेब्रुवारी रोजी हलका किंवा मध्यम पाऊस पडण्याची शक्यता असल्याची माहिती विभागाने दिली आहे. बिहार आणि झारखंडमध्ये आज मेघगर्जनेसह हलका किंवा मध्यम पाऊस पडू शकतो.
पूर्व उत्तर प्रदेशात कडाक्याची थंडी पडणार आहे. IMD ने बुधवारी दिलेल्या माहितीनुसार, काश्मीरमधील किमान तापमान शून्याच्या खाली गेले आहे आणि हवामान खात्याने येत्या तीन दिवसांत पाऊस किंवा बर्फवृष्टीचा अंदाज वर्तवला आहे. जम्मू आणि काश्मीरची उन्हाळी राजधानी श्रीनगरमध्ये उणे १.९ अंश सेल्सिअस तापमानाची नोंद झाली आहे, जी आदल्या रात्री १.८ अंश सेल्सिअसने वाढली आहे, असे अधिकाऱ्यांनी बुधवारी सांगितले.