महाराष्ट्र २४ । विशेष प्रतिनिधी । दि.२६ मार्च । योगी आदित्यनाथ सरकारच्या पहिल्याच मंत्रिमंडळ बैठकीत एक मोठा निर्णय घेण्यात आला आहे. योगी सरकारने अन्न योजनेची मुदत वाढवण्याचा निर्णय घेतला आहे.
योगी आदित्यनाथ सरकार दुसऱ्या ‘टर्म’च्या मंत्रिमंडळाची आज पहिली बैठक पार पडली. या बेठकीत अनेक महत्त्वाचे निर्णय घेण्यात आले. यावेळी मंत्रिमंडळात घेण्यात आलेल्या निर्णयाची माहिती मुख्यमंत्री योगी आदित्यनाथ यांनी प्रसारमाध्यमांना दिली आहे. मोफत अन्न योजना तीन महिन्यांपर्यंत वाढवण्याचा निर्णय घेण्यात आला आहे. या योजनेचा लाभ जून २०२१पर्यंत १५ कोटी नागरिकांना मिळणार आहे.
आज मंत्रिमंडळाच्या बैठकीत आम्ही मोफत राशन योजना आणखी तीन महिन्यांपर्यंत वाढवण्याचा निर्णय घेतला आहे. यामुळं राज्यातील १५ कोटी लोकांना फायदा होणार आहे. आमच्या मंत्रिमंडळातील हा पहिला निर्णय आहे. व याची माहिती देण्यासाठी मी स्वतः तुम्हाला देत आहे, असं योगी आदित्यनाथ यांनी म्हटलं आहे.
नागरिकांना ३५ किलो राशन देण्याची योजना
उत्तर प्रदेशच्या रेशनिंग योजनेत ३५ किलो रेशन एका कुटुंबाला मिळत आहे. यामध्ये डाळ, साखर, खाद्यतेल, मीठ सारख्या खाद्यपदार्थांचा समावेश आहे. पंतप्रधान गरीब कल्याण योजनेतर्गंत रेशनिंगचा लाभ रेशन कार्ड असलेल्या कुटुंबीयांना नोव्हेंबर महिन्यापर्यंत दिला जात होता. त्यानंतर योगी सरकारने मार्चपर्यंत ही योजना वाढवली. त्यानंतर आज योगी मंत्रिमंडळाने आता तीन महिन्यांपर्यंत मुदत वाढवली आहे.
निवडणुकीत गरिब परिवारांना भाजपने मदत केल्याचं म्हटलं आहे. करोनाकाळात पंतप्रधानांनी देशातील प्रत्येक गरिबांना मोफक राशन देण्याची योजना जाहीर केली. उत्तर प्रदेशमध्ये जवळपास १५ कोटी लोकांना राशन योजनेला लाभ मिळाला, असं मंत्रिमंडळा बैठकीनंतर झालेल्या पत्रकार परिषदेत योगी आदित्यनाथ यांनी म्हटलं आहे.
रेशनकार्डधारकांना या योजनांचा मिळतो लाभ
उत्तर प्रदेशमध्ये रेशनकार्ड धारकांना मोफत राशन योजनेचा लाभ मिळत आहे. गहू, तांदूळसोबतच यामध्ये वस्तूंचाही समावेश आहे. गहू-तांदूळ योजनेअंतर्गंत रेशन कार्डधारकांना ३५ किलो खाद्यान्न दिलं जाणार आहे. त्याचबरोबर १ लीटर तेल, १ किलो डाळ आणि २ किलो साखर व एक किलो मीठ दिलं जाणार आहे.