महाराष्ट्र २४ । विशेष प्रतिनिधी । दि.२० जून । कोरोनाने (Corona) जगभरात हाहा:कार माजवला. अनेकांचे प्राण गमवावे वागले. हा कोरोना विषाणू नेमका आला कुठून? याचा शोध अद्याप लागलेला नाही. पण त्याचं मूळ चीनच्या वुहान शहारातील विषाणू प्रयोगशाळा असल्याचा दावा आतापर्यंत अनेकदा केला गेला आहे. पण या दाव्याला जागतिक आरोग्य संघटनेचे (WHO) ने दुजोरा दिला आहे. WHO चे प्रमुख डॉ. टेड्रॉस यांनी खासगीत बोलताना ही बाब मान्य केली आहे. या प्रयोगशाळेतूनच कोरोनाचा प्रसार झाला. कोरोनाचा मोठ्या प्रमाणावर फैलाव झाला, असं डॉ. टेड्रॉस (DR. Tedros) यांनी म्हटलं आहे.
कोरोनाचा उगम चीनमध्येच झाला असल्याच्या दाव्याला आता WHO नेही दुजोरा दिला आहे. WHO चे प्रमुख डॉ. टेड्रॉस यांनी खासगीत बोलताना ही बाब मान्य केली आहे. “कोरोनाने अनेकांचे जीव घेतले. चीनच्या वुहान शहरातील प्रयोगशाळाच कोरोनाचं उगमस्थान आहे. तिथूनच कोरोनाचा मोठ्या प्रमाणावर फैलाव झाला”, असं डॉ. टेड्रॉस यांनी म्हटलं आहे.
‘डेली मेल’ने याविषयी वृत्त दिलं आहे. टेड्रॉस यांनी एका युरोपच्या नेत्याला याविषयीची माहिती दिली आहे. कोरोनाचा प्रसार चीनच्या प्रयोगशाळेतूनच झाला आहे, असं त्यांनी म्हटलंय. आतापर्यंत कोरोनामुळे 1.8 कोटी लोकांचा मृत्यू झाला आहे. त्यानंतर आता डॉ. टेड्रॉस यांनी ही बाब मान्य केली आहे.