महाराष्ट्र २४ । विशेष प्रतिनिधी । दि . २९ सप्टेंबर । शिवसेनेतील फुटीनंतर होत असलेला पहिला दसरा मेळावा मुख्यमंत्री एकनाथ शिंदे आणि शिवसेना पक्षप्रमुख उद्धव ठाकरे या दोघांकडूनही प्रतिष्ठेचा करण्यात आला आहे. एकाच दिवशी होत असलेल्या या मेळाव्यात शक्तिप्रदर्शन करत ताकद दाखवून देण्याचा प्रयत्न दोन्ही गटांचा असणार आहे. या पार्श्वभूमीवर शिंदे गटाकडून आपल्या दसरा मेळाव्याचा पहिला टीझर रिलीज करण्यात आला आहे.
#दसरा_मेळावा_२०२२ pic.twitter.com/3fkO1fs5I9
— Dr Shrikant Eknath Shinde (@DrSEShinde) September 29, 2022
शिंदे गटाकडून रिलीज करण्यात आलेल्या पहिल्या टीझरमध्ये दिवंगत शिवसेनाप्रमुख बाळासाहेब ठाकरे यांच्या जुन्या भाषणातील आवाजाचा वापर करत शिवसैनिकांना भावनिक साद घालण्यात आली आहे. ‘शिवरायांचा भगवा झेंडा, शिवसेनेचा भगवा झेंडा आणि हिंदू धर्माचा भगवा झेंडा सतत, सतत आणि सतत आसमंतात फडकत राहिला पाहिजे,’ या बाळासाहेबांनी केलेल्या आवाहनाची आठवण टीझरच्या माध्यमातून शिवसैनिकांना करून देण्यात आली आहे.