महाराष्ट्र २४ । विशेष प्रतिनिधी । दि . ८ नोव्हेंबर । शिवसेनाप्रमुख दिवंगत बाळासाहेब ठाकरे यांच्या मोठ्या स्नुषा जयश्री कालेलकर ठाकरे यांचं आज सकाळी निधन झालं. त्यांना कोकिलाबेन रुग्णालयात दाखल करण्यात आलं होतं. त्यांच्यावर कॅन्सरचे उपचार सुरू होते.
जयश्री या बाळासाहेब ठाकरेंचे चिरंजीव जयदेव ठाकरे यांच्या पहिल्या पत्नी होत्या. त्यांना कॅन्सरची लागण झाली होती. त्यामुळे त्या मुंबईतल्या टाटा रुग्णालयात उपचार घेत होत्या. मात्र त्यांना तिथून घरी आणण्यात आलं. मात्र रात्री तब्येत ठीक नसल्याने त्यांना कोकिलाबेन रुग्णालयात दाखल कऱण्यात आलं होतं.
अखेर सकाळी सात वाजता त्यांचं निधन झालं. जयदेव ठाकरे यांच्या त्या पहिल्या पत्नी होत. त्यानंतर जयदेव ठाकरे यांनी स्मिता यांच्याशी लग्न केलं. शिवसेनेतल्या बंडानंतर या दोघांनीही शिंदे गटात प्रवेश केला. त्यामुळे नुकतेच हे दोघेही चर्चेत आले होते.