महाराष्ट्र 24- ऑनलाईन- पिंपरी- चिंचवड – विशेष प्रतिनिधी- पिंपरी – चिंचवड मनपा अधिकारी व कर्मचारी वर्गास तातडीने ७ वा वेतन आयोग लागू करणेबाबतची मागणी निवेदनाद्वारे आमदार बनसोडे यांनी मनपा आयुक्त यांच्याकडे केली आहे. नागपूर येथे विधिमंडळाचे अधिवेशन सुरु आमदार बनसोडे यांनी उपमुख्यमंत्री अजितदादा पवार यांच्याकडे केलेल्या पाठपुराव्यामुळे राज्य शासनाच्या नगर विकास विभागाने मनपा अधिकारी व कर्मचा-र्यांना ७ वा वेतन आयोग लागू करणेबाबतचा मान्यता देत असल्याचा आदेश दि. २०.१२.२०१९ रोजी दिला होता. राज्य शासनाने मनपा अधिकारी व कर्मचारी वर्गास ७ वा वेतन आयोग लागू करण्यास काही अटींवर मान्यता दिलेली होती. शासनाने ज्या अटींवर पिंपरी चिंचवड मनपास ७ वा वेतन आयोग लागू करण्याबाबत परवानगी दिली त्याच अटीवर नवी मुंबई मनपा स ही ७वा वेतन आयोग लागू करण्यास मान्यता दिलेली आहे. नवी मुंबई मनपाने त्यांच्या कर्मचाऱ्यांना ७वा वेतन आयोग लागू केला असून पिंपरी –चिंचवड मनपा अधिकारी व कर्मचारी वर्गास मात्र ७ वा वेतन आयोग लागू झाला नसल्याने आमदार बनसोडे यांनी महानगरपालिका आयुक्त श्रावण हार्डीकर यांच्याकडे निवेदनाद्वारे केली आहे.
