महाराष्ट्र २४ । विशेष प्रतिनिधी । दि . ३ फेब्रुवारी । मुंबईकरांचे घराचे स्वप्न महागणार असल्याची चिन्हे आहे. म्हाडाकडून मार्चमध्ये ४ हजार घरांची सोडत काढली जाणार आहे. मात्र, अत्यल्प, अल्प आणि मध्यम गटाच्या अनामत रक्कमेत (Deposite) दुप्पट वाढ करण्यात येणार असल्याची शक्यता आहे. (Mhada Lottery 2023)
कोकण मंडळासाठी ४७३२ घरांच्या सोडतीची जाहिरात काढण्यात येणार आहे. त्यासाठी म्हाडा प्राधिकरणाने प्रस्ताव मंजूर केला आहे. पुढील आठवड्यात जाहिरात प्रसिद्ध करुन अर्जविक्री-स्वीकृती सुरू करण्यात येणार आहे. मार्चच्या शेवटच्या आठवड्यात लॉटरी काढण्यात येणार आहे.
म्हाडाचा अर्ज भरणाऱ्यांसाठी अनामत रक्कमेत दुपट्टीने वाढ झाली आहे. २० टक्के आणि पीएमएवायसाठी ही अनामत रक्कम वाढीचा प्रथम येणाऱ्यास प्राधान्य गटासाठीची अनामत रक्कम २५ हजार ते एक लाख रुपये अशी असेल. अत्यल्प गटासाठी २५ हजार रुपये, अल्प गटासाठी ५० हजार रुपये, मध्यम गटासाठी ७५ हजार रुपये आणि उच्च गटासाठी एक लाख रुपये अशी अनामत रक्कम असेल, अशी माहिती म्हाडाच्या अधिकाऱ्यांनी दिली आहे.
दरम्यान, पुढच्या आठवड्यात जाहिरात प्रसिद्ध करण्यात येणार आहे. तसंच, जाहिरात प्रसिद्ध झाल्यानंतर दुसऱ्या दिवसापासून अर्जविक्री- स्वीकृती सुरू होणार आहे. साधारण महिनाभर ही प्रक्रिया राहणार आहे. तर, मार्चच्या शेवटच्या आठवड्यात सोडत काढण्यात येणार आहे.