महाराष्ट्र २४ । विशेष प्रतिनिधी । दि .२८ मार्च । कर्मचारी भविष्यनिर्वाह निधीवर ( ईपीएफ ) व्याजदराबाबत महत्त्वाची घोषणा आज ( दि. २८ ) करण्यात आली. EPFO व्याजदर ८.१५ टक्केकरण्यात आला आहे, अशी सूत्रांनी दिली. नवीन व्याजदर हा आर्थिक वर्ष २०२२-२३ साठी असेल. तीन वर्षांनंतर ईपीएफ व्याजदरात वाढ झाली असून ६ कोटींहून अधिक सदस्यांना मोठा दिलासा मिळाला आहे.
कर्मचारी भविष्यनिर्वाह निधीवर ( ईपीएफ ) यंदाच्या आर्थिक वर्षात किती व्याज मिळणार याकडे कर्मचारी भविष्य निर्वाह निधी संघटनेच्या ( ईपीएफओ ) सुमारे ६ कोटी सक्रिय सदस्यांचे लक्ष लागले होते. कारण सध्या हा व्याजदर ८.१ टक्के होतो. नवीन व्याजदर ८.१५ हा आर्थिक वर्ष २०२२-२३ साठी असेल.
‘ईपीएफओ’ने २०२१-२२ या आर्थिक वर्षासाठी ८.१ टक्के व्याजदर निश्चित केला होता. तो मागील चार दशकांमधील सर्वात निच्चांकी व्याजदर ठरला होता. १९७७-७८मध्ये ईपीएफवरील व्याजदर ८ टक्के होता. आर्थिक वर्ष २०२२ मध्ये पहिल्यांदा ईपीएफमध्ये जास्त गुंतवणूक करमर्यादेत येत असल्याने आजची बैठक ही महत्त्वपूर्ण मानली जात होती.
EPFO decides the rate of interest EPF for FY23. The rate of interest on EPF would be 8.15% for FY23. The labour ministry will send the proposal to the finance ministry for approval. pic.twitter.com/tPBqLgVTXm
— ANI (@ANI) March 28, 2023
