महाराष्ट्र २४ – ऑनलाईन – बीड – विशेष प्रतिनिधी:संजीवकुमार गायकवाड – मा.ना.पालकमंत्री धनंजय मुंडे यांच्या यशस्वी पाठपुराव्यामुळे मंजुरी मिळालेल्या अंबेजोगाई येथील स्वामी रामानंद तीर्थ वैद्यकीय महाविद्यालयातील कोविड – १९ विषाणू चाचणी प्रयोगशाळेस आवश्यक सामग्री तसेच अखिल भारतीय आयुर्विज्ञान संस्थेची मान्यता मिळाली असून येत्या दोन दिवसात येथे प्रत्यक्ष कोरोना चाचणीला सुरुवात होणार आहे.
अखिल भारतीय आयुर्विज्ञान संस्थान नागपूरच्या संचालिका तथा मुख्याधिकारी मेजर जनरल डॉ. विभा दत्ता यांनी स्वाराती येथील या प्रयोगशाळेस मान्यता दिली असून कोविड – १९ चाचणी सुरू करण्यास अनुमती दिली आहे. जिल्ह्याचे पालकमंत्री ना. धनंजय मुंडे यांच्या हस्ते येत्या दोन दिवसात या प्रयोगशाळेचे उदघाटन होऊन प्रत्यक्ष चाचणीस सुरुवात होईल अशी माहिती स्वाराती वैद्यकीय महाविद्यालयाचे अधिष्ठाता डॉ. सुधीर देशमुख यांनी दिली.
कोरोना विषाणूचा वाढता प्रादुर्भाव लक्षात घेऊन बीड जिल्ह्यातच कोरोना स्वॅब ची तपासणी केली जावी, या अनुषंगाने ना. मुंडे यांनी आरोग्य विभागाकडे येथील स्वाराती वैद्यकीय महाविद्यालयात कोरोना विषाणू चाचणी प्रयोगशाळेस मंजुरी देण्याबाबत मागणी करून यशस्वी पाठपुरावा केला होता; यासाठी वैद्यकीय महाविद्यालयाच्या वतीने अधिष्ठाता डॉ. सुधीर देशमुख, डॉ. निळेकर, डॉ. अमित लोमटे यांनी विशेष प्रयत्न केले.
या पार्श्वभूमीवर राज्य शासनाच्या मान्यतेसह स्वाराती रुग्णालयात कोरोना चाचणी प्रयोगशाळेचा प्रस्ताव भारतीय आयुर्विज्ञान संस्थान (AIIMS) नागपूर यांचेकडे चाचणी सुरू करण्यासाठी परवानगी मिळण्यासाठी पाठविण्यात आला होता. अखिल भारतीय आयुर्विज्ञान संस्थान नागपूरच्या वतीने या प्रस्तावास मान्यता देण्यात आली आहे.यापूर्वी हि अंबाजोगाई येथील स्वामी रामानंद तीर्थ दवाखान्यास सात व्हेंटिलेटर दिले आहेत.मा.धनंजय मुंडे हे सामाजिक न्याय मंत्री झाल्या पासून व बीड जिल्याचे पालकमंत्री झाल्या पासून जिल्यात जे जे पाहिजे याचे योग्य मूल्यांकन करून ते ते आपल्या काळात करून घ्यावे असे कामाचे नियोजन करून अहोरात्र धडपड करीत आहेत.तसे करण्याच्या सूचनाही आपल्या जिल्याच्या शिलेदाराणा केल्या आहेत.
सुरुवातीला दर दिवसाला येथे कोरोना विषाणू संबंधीच्या स्वॅबच्या १०० नमुन्यांची तपासणी करणे शक्य होणार असून हळूहळू ही संख्या वाढवली जाईल; ही बीड जिल्ह्यातील पहिली प्रयोगशाळा ठरणार आहे. यासाठी लागणारे सर्व वैद्यकीय साहित्य रुग्णलयास उपलब्ध करून देण्यात आले असून अधिष्ठाता डॉ. देशमुख यांनी स्वाराती वैद्यकीय महाविद्यालय प्रशासनाच्या वतीने पालकमंत्री ना. धनंजय मुंडे, वैद्यकीय शिक्षण मंत्री ना. अमित देशमुख, बीडचे जिल्हाधिकारी राहुल रेखावार तसेच आरोग्य विभागाचे आभार मानले आहेत.अशी माहिती देण्यात आली आहे.