महाराष्ट्र २४ । विशेष प्रतिनिधी । दि. २२ ऑगस्ट । अभिनेते सनी देओल सध्या ‘गदर २’ सिनेमामुळे चर्चेत आहेत. सिनेमाने प्रदर्शनानंतर ११ दिवसांत तब्बल ३८९.१० कोटी रुपयांचा गल्ला पार केला आहे. ‘गरद २’ सिनेमामुळे चर्चेत असताना सनी देओल यांनी २०२४ च्या लोकसभा निवडणुकीसाठी मोठा निर्णय घेतला आहे. २०२४ ची लोकसभा निवडणूक लढवणार नाही… असा निर्णय सनी देओल यांनी घेतला आहे. सध्या सर्वत्र सनी देओल यांच्या निर्णयाची चर्चा रंगत आहे. २०२४ ची लोकसभा निवडणूक का लढवणार नाही याचं स्पष्टीकरण देखील सनी देओल यांनी दिलं आहे. सध्या सर्वत्र सनी देओल यांची चर्चा रंगत आहे.
सनी देओल म्हणाले, ‘एक अभिनेता म्हणून काम करणं हीच माझी आता निवडणूक असणार आहे. एक अभिनेता म्हणून देशाची सेवा करू अशी माझी इच्छआ आहे.. तुम्ही कायम एक काम करु शकता. एकत्र अनेक कामं करू शकत नाही. मी ज्या विचाराने राजकारणात प्रवेश केलं होतं, ते काम मी एक अभिनेता म्हणून देखील करु शकतो..’
पुढे सनी देओल म्हणाले, ‘मी एक अभिनेता म्हणून सर्वकाही करु शकतो. पण राजनीतीमध्ये एखादा शब्द दिला आणि काम पूर्ण करु शकलो नाही तर, मला अस्वस्थ होतं. मी असं करु शकत नाही. मी यापुढे एक अभिनेता म्हणून देशाची सेवा करेल..’ असं स्पष्टीकरण देत सनी देओल यांनी त्यांच्या निर्णय चाहत्यांनी सांगितला आहे.
सनी देओल यांनी २०१९ मध्ये राजकारणात प्रवेश केला होता. २०१९ च्या निवडणुकीत, सनी यांनी पंजाबमधील गुरदासापूर लोकसभा मतदारसंघातून निवडणूक लढवली आणि जनतेनेही त्यांना निराश केलं नाही. गुरदासापूर येथील जनतेने ८४ हजारांहून अधिक मतांनी सनी देओल यांना विजयी केलं. पण आता सनी देओल यांनी २०२४ मधीव लोकसभा निवडणूक लढवण्यास नकार दिला आहे.
२००१ मध्ये प्रदर्शित झालेल्या ‘गदर’ सिनेमाता सिक्वल ‘गदर २’ सिनेमा २०२३ मध्ये बॉक्स ऑफिसवर तुफान कमाई करताना दिसत आहे. यंदाच्या वर्षातील सर्वात जास्त करणाऱ्या सिनेमांपैकी ‘गदर २’ देखील एक सिनेमा आहे. सध्या सर्वत्र सिनेमाच्या कमाईची चर्चा रंगली आहे.
‘गदर २’ सिनेमाने अभिनेत्री अदा शर्मा स्टारर ‘द केरळ स्टोरी’ सिनेमाचा रेकॉर्ड मोडला आहे. तर ‘गदर २’ सिनेमा अभिनेता शाहरुख खान स्टारर ‘पठाण’ सिनेमाचा रेकॉर्ड मोडेल का? हे पाहणं महत्त्वाचं ठरणार आहे. मीडिया रिपोर्टनुसार, शाहरुख खान स्टारर ‘पठाण’ सिनेमाने ५४३.०५ कोटी रुपयांची कमाई केली होती.