महाराष्ट्र २४ – ऑनलाईन – विशेष प्रतिनिधी – ओम भांगे : दि.२५- पुणे :पुणे शहरात मागील काही दिवसात करोना विषाणूचे रुग्ण वाढत आहे. त्या पार्श्वभूमीवर जे नागरिक शहरात फिरताना मास्क घालणार नाही अशा नागरिकांना ५०० रुपयांचा दंड ठोठावण्याचे आदेश क्षेत्रीय स्तरावरील अधिकार्‍यांना बुधवारी महापालिका आयुक्त शेखर गायकवाड यांना दिले आहे.
पुणे शहरात दररोज रुग्ण संख्या वाढताना दिसत आहे. ही रुग्ण संख्या नियंत्रणात आणण्याच्या दृष्टीने अनेक उपाययोजना करताना प्रशासन दिसत आहे. मात्र तरी रुग्ण संख्या वाढत आहे. आता शहरातील पंधरा क्षेत्रीय कार्यालय अंतर्गत येणार्‍या सर्व प्रमुख, उप आरोग्य निरीक्षक, वरिष्ठ आरोग्य निरीक्षक आणि आरोग्य निरीक्षक यांना कोणताही नागरिक सार्वजनिक ठिकाणी, शासकीय कार्यालय मास्क न घालता. नागरिक आढळून आल्यास त्यावर ५०० रुपयांचा दंड ठोठावण्यात यावा, असा आदेश महापालिका आयुक्तांना आज काढला आहे.